Lub Koom Haum txhawb nqa txhiam xws Thaib, nthuav cov hauj lwm ntawm lub teb chaws nyob hauv cov neeg pluag hnub nyob ntiaj teb

Nyob hauv cov neeg pluag hnub nyob ntiaj teb zaum tim 9, uas yog hnub tim 16 lub 11 hlis tas los no. Lub Koom Haum VV Share nyob Thaib teb, tau koom tes nrog cov tseem hwv kom tau ua cov hauj lwm sib faib txhiam xws noj nyob thoob Thaib teb rau cov neeg pluag txom nyem.

Lub Koom Haum uas teeb tsa los ntawm cov neeg ntseeg no, yog ua cov hauj lwm ntawm lub Koom Txoos sab nraud. Tab sis tau txais kev txhawb siab los ntawm cov neeg ntseeg Kav Tos Liv zoo kawg. Xyoo no Vaj Qhia Leo 14 nco txog cov neeg pluag hnub nyob Los Mas, hauv lub ntsiab lus tias : “Tswv Ntuj yog kuv tus Tswv Ntuj thiab yog kuv txoj kev cia siab.” Vaj Qhia nco txog cov neeg pluag hnub nyob Los Mas, nws ceeb toom kom ntiaj teb paub tias ; kev pluag txom nyem, tsis yog kev txhawj xeeb ntawm cov neeg ntseeg xwb, nws yog qhov tas ntiaj teb yuav tsum saib xyuas thiab. Nyob Thaib teb, cov lus no ua kom pom txog lub Koom Haum VV Share cov hauj lwm tseeb kawg. Nws vam meej sai thiab rais ua ib tug piv txwv zoo nyob hauv lub teb chaws, hais txog kev pub txhiam xws noj rau cov neeg pluag txom nyem.