Thaib teb rho Visa thiab kaw ib tug neeg As Mes Lis Kas, uas nws thuam huab tais Thaib

Yawg Chambers tus kws lij choj hais tias : Chambers yog tus kws qhia kev tseev tsim As Xias toob fab naj nyob hauv ib lub tsev qhia ntawv txheej siab los tau 10 tawm xyoo. Nws raug ntes hnub tim 8 lub 4 hlis no, tom qab muaj neeg kom nws rau cov tub ceev xwm tias nws thuam huab tais Thaib. Nws rooj plaub ntug yog tus piv txwv nyuab kawg ntawm cov neeg txawv teb chaws yuav ntsib thiab thuam huab tais Thaib. Txhua yam kev xyav moo thiab kev thuam, yuav ua rau nws raug kaw nkuaj 10 tawm xyoo.

Lub pwm tsav tub rog Thaib sau ntawv kom nws xyoo no, txog cov lus nyob hauv lub tsev vas (Website) hais txog kev tseev tsim nyob As Xias toob fab naj.

Lub lis piam tag los Chambers hais tias nws ntshai kawg, hais txog tej yam zoo li no. Tab sis nws tau txais kev txhawb zog ntawm As Mes Lis Kas tus tiam lis thiab nws cov phooj ywg uas nyob hauv tsev kawm ntawv. As Mes Lis Kas lub pwm tsav txawv teb chaws hais nyob hauv hnub tim 8 lub 4 hlis no tias : “Lawv txhawj xeeb txog qhov Chambers raug ntes zaum no.”