Vim li cas Samsung cov neeg ua hauj lwm thiaj tsis ua hauj lwm nyob Is Ntias teb ?
Txij tus nqi zog qis mus txog tsis muaj hnub so, Samsung cov neeg ua hauj lwm ntau pua leej nyob Is Ntias teb hais tias : lawv xav tau lawv txoj cai thiab kev sib hwm.
Cov neeg ua hauj lwm feem coob nyob hauv Samsung lub tsev nyob Sriperumbudur uas ze lub nroog Chennai. Lawv tau tawm tsam nyob hauv hnub tim 9 lub 9 hlis. Kev tawm tsam zaum no yog ib zaug uas hauj lwm nres loj tshaj plaws nyob Is Ntias teb hauv 2-3 xyoos dhau los no. Cov neeg ua hauj lwm 70 feem pua ntawm tas cov neeg ua hauj lwm 1,800 leej lawv sib sau tawm tsam. Ua rau kev ua hauj lwm nyob hauv Samsung nres tas thiab yuav tsum rub tej lub tsev ntaub nyob ze lub tuam tsev.
Samsung Electronics ceeb toom tias : yog cov neeg ua hauj lwm tsis ua hauj lwm ntxiv, mas lawv yuav tsis tau nqi zog thiab tej zaum yuav raug rho tawm. Lawv hais tias lub Koom Haum txoj cai yog ua raws li txoj cai thiab cov nqe lus uas tau hais tseg.
Lub Koom Haum nyob Sriperumbudur yog tsim tawm tej toob xib siv hluav taws xob, xws li thawv txias, TV thiab tshuab ntxhua khaub ncaws. Ib ib feem uas Samsung tau nyiaj nruab xyoos nyob Is Ntias teb. Cov nyiaj tau yog 12,000 plhom US dos las. Cov neeg ua hauj lwm li hais no, lawv tau nyiaj ib hlis yog 300 dos las raws li CITU hais txog cov tub zog tus nqi zog. Cov neeg ua hauj lwm lawv thov kom nce nyiaj hli rau lawv ua ib hlis 430 dos las nyob hauv 3 xyoos.
Muthu uas nws muaj 33 xyoos, nws hais rau Context tias : nws thiab nws cov phooj ywg ua hauj lwm ua ke, lawv npaj siab tawm tsam mus txog thaum Samsung yuav lees txais thiab txuag lawv txoj cai.
