Xi Jinping mus Hanoi kom tau cog lus yuav luag 40 tsab ntawv, hais txog kev tiv se ntawm As Mes Lis Kas
Yog zaum tim 2 ntawm tus Txoov Tim Tswv Suav mus tsham Nyab Laj teb. Tus Txoov Tim Tswv Suav nyuam qhuav mus tsham Nyab Laj teb thawj zaug tsis tau txog 18 lub hlis. Kev mus tsham kom tau koom tes nrog lub teb chaws koom tshaj tawm tsam txog As Mes Lis Kas tus se lag luam. Kev mus tsham zaum no yog ib feem ntawm kev mus tsham cov teb chaws nyob hauv xeev ntuj, xws li Mas Les Xias thiab Khas Phus Chas. Khas Phus Chas ntes ib co neeg Thais Vas thiab liam tias yog cov neeg ua hauj lwm nyob hauv lub tsev ntxias neeg nyob Online.
Suav thiab Nyab Laj tau sib koom cog lus ze ntawm 40 tsab ntawv uas tsis nthuav tawm meej tseeb, tab sis yog hais txog kev lag luam ntawm 2 lub teb chaws koom tshaj. Tus Txoov Tim Tswv Suav mus txog Hanoi, kom tau cog lus sib koom tes hais txog kev lag luam thiab sib koom tiv tseem hwv As Mes Lis Kas tus se lag luam uas teeb tseg. Twb tsis tau txog 18 lub hlis, Xi Jinping rov mus tsham Nyab Laj teb dua thiab kev mus zaum no yog thawj zaug ntawm cov tiam lis nyob hauv lub xyoo no.
Xi Jinping yuav mus tsham Mas Les Xias teb thiab Khas Phus Chas teb.
Tam sim no cov tseem hwv Khas Phus Chas tab tom npaj txhua yam kom tiav tos txais kuv Txoov Tim Tswv Suav. Thais Vas tus pwm tsav txawv teb chaws hais tias : cov tub ceev xwm Khas Phus Chas tau ntes 180 tus neeg Thais Vas, uas liam hais tias lawv muaj feem cuam txog lub tsev ntxias neeg hauv Online nyob As Xias toob fab naj. Tus Txoov Tim Tswv Nyab Laj Lương Cường ntsib tus Txoov Tim Tswv Suav Xi Jinping nyob Hanoi. Raws kev cai, mas kev sib ntsib li no tsuas yog muaj cov neeg tseem ceeb thiaj paub xwb. Hauv lub rooj sab laj Tom Lam thiab Xi Jingping tau sib tham txog kev sib koom tes yav tag los ntawm ob lub teb chaws. Vim Suav yog Nyab Laj tus phooj ywg kev lag luam uas tseem ceeb. Nyab Laj teb vam txog Suav teb hais txog kev nqus lag luam rau lub teb chaws.
