Vaj Qhia thov kom cov neeg ntseeg ua hmoov Tsuj Xeeb Yes Xus yug los yam yooj yim thiab nyob ze cov neeg raug kev txom nyem los ntawm tsov rog

Vaj Qhia thov kom cov neeg ntseeg ua hmoov Tsuj Xeeb Yes Xus yug los yam yooj yim thiab nyob ze cov neeg raug kev txom nyem los ntawm tsov rog.

Hnub Chiv tim 4 ntawm lub caij yug los thiab hnub tsuj xeeb Yes Xus yug los, Vaj Qhia hais rau cov Pas Les Tis Nas nyob His Xas Lais teb thiab nyob Us Khas Zis Nas teb tias : “Thov nco txog cov neeg raug kev txom nyem”, txhob ua tej yam cuam tshuam txog kev ua koob tsheej ntawm neeg. Vaj Qhia Fas Ntshis Kus thov kom sawv daws ua tej yam yooj yim thiab tsis tas ua yuav lom zem xauv npo. Kom nco ntsoov txog cov neeg raug kev txom nyem nyob hauv tsov rog, cov neeg tshaib nqhis thiab cov raug quab yuam ua qhev. Vaj Qhia cia siab tias nov yog hnub ntawm kev ua lub neej nyob hauv kev thov Ntuj, nyob hauv kev hlub sov siab thiab nyob hauv kev muaj lub tswv yim zoo. Thov kom sawv daws txhob ua tej yam lom zem 
xws li neeg cov koob tsheej. Kev ua hmoov tsuj xeeb Yes Xus yug los ntawm cov neeg ntseeg, mas yog ua tej yam yooj yim thiab kom tsim nyog nrog cov neeg pluag sib faib. Vaj Qhia cov lus hais yog nyob tas hauv Lus Kas cov lus hais hauv zaj 1 qib 26 txog 38.
Vaj Qhia piav txog tus duab ntawd qhia kom pom tias : Tswv Ntuj kev khuv leej, yog qhov uas sawv daws tuaj yeem txais tau nyob hauv hnub ua hmoov tsuj xeeb Yes Xus yug los, zoo ib yam li txoj kev khuv leej nyob hauv peb lub neej uas peb tau txais los ntawm peb tej phooj ywg, tus neeg peb hlub, peb tus txij tus nkawm, niam thiab txiv pub rau tej me nyuam. Lub caij peb tau txais ntawd, peb hais lus mos lus muag, peb txawj sib hwm thiab muab siab rau txog lwm tus neeg.