Ib tug neeg Thaib Phus Thas uas txawj ntse, ua kom pom txog kev taij thov kev thaj yeeb thiab kev sib koom tes ntawm Vaj Qhia Leo 14
Hnub tim 18 lub 5 hlis no, thaum Vaj Qhia Leo 14 ua thaj txi Ntuj, hauv cov kab ke tsa nws ua Vaj Qhia nyob hauv lub tshav puam Leej Ntshiab Pob Zeb. Cov neeg teev hawm Phus Thas nyob Thaib teb lub suab hwm thiab hawm uas nrov ncha, ua kom pom txog qhov txaus xav hais txog tus thawj coj tshiab ntawm lub Koom Txoos.
Tus kws txuj Boonchuay Doojai uas yav tag los nws yog ib tug hauj sam, tus kws txawj ntse uas nto npe thiab yog tus thawj tswj lub Koom Haum Thaib fab kev teev hawm kom tau txhim kho zej zog. Nws tau hais txog kev xaiv tsa Vaj Qhia Leo 14, uas yog thawj tug Vaj Qhia neeg As Mes Lis Kas tias : “Yog lub sij hawm uas muaj lub Cim tseem ceeb rau lub ntiaj teb.”
Cov lus hais thawj zaug ntawm tus Vaj Qhia tshiab yog xeem lus Is Tas Lias, tsim nyog nws yuav tsum siv xeem lus Aas Kiv. Nws siv lus Xyis Pas Yas hais lus rau cov neeg ntseeg qub ntawm nws nyob Peru. Tau hais cov lus tseem ceeb ua ntu zus ntawm kev sau sawv daws thiab nws txoj kev saib xyuas fab ntsuj plig. Hauv lub thaj txi Ntuj txais ua Vaj Qhia, Vaj Qhia Leo 14 rov qab thov Ntuj kom muaj kev thaj yeeb nyob hauv cov xeev ntuj muaj tsov rog. Nws kuj nco txog lub caij kawg ntawm Vaj Qhia Fas Ntshis Kus. Tus kws txuj Boonchuay, yog tus thawj tswj ntawm lub tsev kawm txheej siab Phus Thas. Nws piav txog qhov nws tau ntsib Vaj Qhia Fas Ntshis Kus ntiag tug, nyob hauv Focolare lub tsev hauv lub nroog Loppiano, nyob Is Tas Lias teb lub 5 hlis xyoo 2018.
