Kev ntseeg thiab kab lis kev cai, yog As Xias teb tus yawm sij tseem ceeb hauv kev txhawb nqa txhua yam muaj txoj sia

Lub Koom Haum soj ntsuam kev ntseeg thiab kev sib xa xov hauv zej zog nyob As Xias teb. Lub tsev kawm txheej siab Saint John nyob Thaib teb, tau tshaj tawm phau ntawv luam tawm tshiab ntawm cov neeg As Xias, hais txog teeb meem txhua yam muaj txoj sia uas tab tom muaj ntau zuj zus nyob thoob ntiaj teb. 

Phau ntawv no muaj lub npe tias : “Kev ntseeg, kab lis kev cai thiab kev vam meej ntawm txhua yam muaj txoj sia nyob As Xias teb.”

Phau ntawv no tau sau tas cov lus hauv kev soj ntsuam nyob As Xias teb, uas soj ntsuam tias kev ntseeg thiab kab lis kev cai tuaj yeem tsim kev xav tshiab hais txog kev sib raug zoo ntawm tib neeg thiab yam ntuj tsim. Thiab txhim kho yam muaj txoj sia tau li cas ? Yog muab los ntawm kev teev hawm Phus Thas, kev ntseeg, Islam, Khoov Fum Txws, Shinto thiab fab ntsuj plig hauv cov neeg zej zog. Phau ntawv no soj ntsuam tias kab lis kev cai hauv kev ncaj ncees thiab kev cai dab qhuas ntawm As Xias, tuaj yeem ua kom neeg rov xav txog txhua yam muaj txoj sia thiab ua kev txhawb siab ncaj ncees rau txhua yam nyob ib puag ncig kev piam sij, thiab kev pauv ntxeev huab cua tau li cas ? Cov neeg sau txhib tias : kab ke hauv kev ntseeg nyob As Xias. Txij lub tswv yim loj hlob ntawm Phus Thas thiab kev khuv leej raws Khoov Fum Txws, mus txog kev tig los yuav lub siab tshiab ntawm cov neeg ntseeg thiab kev saib xyuas ntawm cov Islam. Puav leej yog qhov chaw los ntawm kev ncaj ncees thiab fab ntsuj plig hais txog txhim kho txhua yam nyob ib puag ncig. Phau ntawv no txhib txog qhov tseem ceeb ntawm cov poj niam hauv kev saib xyuas txhua yam nyob ib puag ncig. Qhov tseem ceeb ntawm kev soj ntsuam thiab kev piav kom nco txog txhua yam muaj txoj sia ntawm cov neeg txheej tshiab.