Lub Cheeb Koom Txoos Ruteng rais ua “daim av cog lus” nyob Is Ntos Nes Xias teb
Lub Cheeb Koom Txoos Ruteng yog nyob hauv lub pov txwv Frorest uas nto npe tias yog “daim av cog lus” ntawm Kav Tos Liv cov hauj lwm. Raws li kev tshaj tawm ntawm Agenzia Fides. Hauv lub pov txwv muaj tsoom pej xeem li ntawm ib plhom tawm leej, tab sis cov neeg ntseeg yog 800,000 leej. Vim li ntawd, lub Cheeb Koom Txoos thiaj nto npe ua lub Cheeb Koom Txoos loj tshaj plaws nyob Is Ntos Nes Xias teb. Is Ntos Nes Xias teb yog lub teb chaws uas muaj cov Mawv Xis Lim coob tshaj thiab muaj 17,000 lub pov txwv loj me huv si. Sawv daws paub Ruteng nyob hauv lub npe “Lub Cheeb Koom Txoos 1,000 lub tsev teev Ntuj”. Muaj cov Koom Haum kev ntseeg, muaj kev ua hauj lwm, muaj tsev kawm ntawv thiab muaj cov tub tshaj Ntuj Lus khov kho.
Tus cag kev ntseeg uas ruaj khov no, yog qhov chaw txaus siab ntawm Vaj Qhia Fas Ntshis Kus. Xyoo 2022, Vaj Qhia hais tias Frorest yog lub zog ntawm cov Kav Tos Liv tej hauj lwm hauv lub Koom Txoos nyob thoob ntiaj teb. Vaj Qhia hais ncaj ncaj tias : “Thaum ntsib teeb meem hauv kev ua hauj lwm, peb yuav mus rau lub pov txwv Frorest uas nyob Is Ntos Nes Xias teb, kom rov nrhiav tau peb cov hauj lwm no.” Ruteng muaj cov me nyuam npaj kawm ua tub tshaj Ntuj Lus 450 leej, thiab lub Cheeb Koom Txoos Labuan Bajo uas nyuam qhuav faib ntawm Ruteng mus tsis ntev no muaj 350 leej. Txhais tau tias muaj cov me nyuam tub npaj kawm nyob hauv txhua txhua xyoo coob kawg.
Tab txawm lub tsev kawm ntawv yog txheej nrab xwb, tsis kav kuj yog qhov chaw cog kev ntseeg thiab xyaum hauj lwm. Tswv Qhia Hormat piav txog kev vam meej raws li ntuj tsim ntawm cov hauj lwm nyob hauv thaj tsam nws kav. Yog qhov tseeb thiab yog qhov chaw ntawm cov tub kawm me mus txog cov tub kawm loj li 40 los 50 feem pua. Nws yog qhov tsim nyog yuav ua li ntawd lawm.
