Lub Cheeb Koom Txoos Xes Us tshaj tawm pab tub hu nkauj suab sib xyaws thiab pab tub hu nkauj Orchestra nyob hauv cov tub ntxhais hluas hnub nyob ntiaj teb xyoo 2027

Tswv Qhia Chung Soon-taick nyob Xes Us ua tus coj lub Txoos tshaj tawm txog cov tub hu nkauj. Muaj cov Txiv Plig ntawm pab kav xwm npaj cov tub ntxhais hluas hnub nyob ntiaj teb xyoo 2027 tuaj koom nrog thiab. Pab tub hu nkauj suab sib xyaws thiab pab tub hu nkauj Orchestra, yog teeb tsa los kom tau hu nkuaj nyob hauv cov kab ke tseem ceeb hauv cov tub ntxhais hluas hnub nyob ntiaj teb xyoo 2027. Yog qhib los ntawm pab neeg paj nruag, kom muaj feem cuam hauv kev teev Ntuj thiab txhawb nqa cov neeg tawm rooj fiv ntuj nyob thoob ntiaj teb, kom tau tawm suab txog kev ntseeg. 

Nyob hauv cov lus nthuav ntawv Moo Zoo, Tswv Qhia Chung tau tos txais cov tub hu nkauj uas raug xaiv thiab ua lawv tsaug uas tau muab siab rau ua tub txib hauv suab paj nruag. Nws hais tias cov tub hu nkauj muaj ntau lub hnub nyoog, yam li txij cov hluas mus txog cov 30 tawm xyoo. Tseem muaj cov sau npe thoob hauv lub teb chaws tuaj koom nrog rau lub pov txwv Jeju thiab lub xeev nyob qab teb thiab.