Mandalay, ntawm cov neeg tsis muaj chaw nyob thiab kev puas ntsoog los ntawm av qeeg
3 lub lis piam tom qab av qeeb nyob Mandalay thiab Mias Mas nruab nrab. Lub Koom Txoos tseem nyob ze cov neeg ntseeg thiab cov neeg raug xwv txheej. Lawv tau txhawb nqa toob xib puaj yam thiab fab ntsuj plig, tab txawm ntau lub tsev teev Ntuj tseem siv tsis tau kuj xij. Tab sis lub Lis Piam Ntshiab kuj muaj rau cov neeg tsis muaj chaw nyob, nyob hauv lub tsev teev Ntuj uas tsis muaj dab tsi. Maximilian tus neeg ua hauj lwm ntawm Caritas hais tias : “Tab txawm raug kev piam sij thiab mob siab, tsis kav cov neeg kuj sib txhawb nqa hauv lub neej rov pib dua tshiab.”
Hauv lub Caij Hla cov neeg ntseeg Mias Mas txom nyem kawg. Tom qab av qeeg 7.7 Richter lub hlis tag los. Ua rau ntau thaj tsam hauv lub teb chaws tau txais kev piam sij thiab ntsib tsov rog los tau 4 xyoos ntau.
Lub nroog Mandalay yog lub nroog uas tau txais kev piam sij loj tshaj. Lub tsev teev Ntuj yuav luag raug piam sij tas. Maximilian tus neeg ua hauj lwm ntawm Caritas hais tias : “Tsis muaj leej twg tau txais kev tso cai nkag mus hauv thaj tsam raug kev kub ntxhov, tab yog Hnub Chiv Hla kuj xij. Lub thaj txi Ntuj ua nyob hauv lub tsev teev Ntuj uas nyob ze lub yeej pab cuam kev txom nyem.”
Lub lis piam dhau los no, nws tau xa kev pab mus rau 10 tawm lub zos nyob Yas Mes This uas yog thaj chaw muaj tej tsev pob vau, ua rau lawv ntsia pom kev cia siab. Tam sim no tseem muaj kev kub ntxhov ntau thiab cov Koom Haum txawv teb chaws nrog rau Caritas tsuas mus txog tej chaw nyob deb xwb.
