Zaj nyeem hnub tim 10 lub 4 hlis 2026 (Hnub Rau, Thawj lub Lis Piam hauv lub caij Hla)

Zaj nyeem hnub tim 10 lub 4 hlis 2026

Hnub Rau, Thawj Lis Piam caij Hla

Cov lus nyob hauv Zam Ntawv Moo Zoo (Z 21: 1-14)

            Kwv tij sawv daws, nyob rau hauv zaj no qhia dab tsi rau peb ? peb yuav pom hais tias, cov thwj tim ib txwm yog tub puav ntses, lawv ib txwm ntes ntses puag thaum yau los laus li no, vim li cas lawv puav ntses ib hmos ho tsis tau ib tug ntses kiag li. Tab sis thaum Huab Tais Yes Xus hais rau lawv tias, nej pov vas rau sab xis, lawv tau ntses ntau puv nkaus vas, muab suav tau 153 tus ntses. Qhov no yog qhia dab tsi rau peb ? Qhov no yog Huab Tais xav qhia peb tias, yog peb mloog nws thiab tso siab rau nws, mas peb tsis txhob txhawj Huab Tais yuav saib xyuas peb, nws yuav pub kom peb nrhiav tau txaus peb noj peb txaus peb siv, los yog noj tsis tshaib haus tsis tsis tas, tab sis, peb yuav tsis txhob ua li qub lawm, peb yuav hloov dua tshiab, hloov lub neej tshiab, hloov txoj kev xav tshiab. Cov ntses uas suav tau 153 tus ntawd, muab xam raws li lus Hes Nplaws, txhais tias, Kuv yog Tswv Ntuj, yog peb ntseeg txog Tswv Ntuj, thiab ua raws li Huab Tais qhia, tsis muaj ib yam dab tsi uas peb yuav ua tsis tau. Yam uas peb xav tias, ua tsis tau, tiam sis, nyob rau ntawm Tswv Ntuj ua tau yooj yim heev. Nyob zoo.