Qee zaus thaum peb nyeem Ntawv Cog Lus Qub, mas yeej muaj tej lus nug tawm los tias : “Qee phab nyob hauv Ntawv Cog Lus Qub yog Tswv Ntuj cov lus tau li cas ? Phab ntawv uas hais txog kev ntxub ntxaug, kev ua phem thiab txhua lo lus qhia, mas hais tias yog Tswv Ntuj li. Nws puas haum rau Yes Xus Nas Xas Les cov lus qhia ?”
Lawv hais tias qee phab nyob hauv Ntawv Cog Lus Qub tsim nyog muab tshem tawm mus. Hauv txoj kev xav no, ib qhov yog muaj Mais Xes ua tus sau Ntawv Ntshiab Torah thiab lwm cov ntawv nyob hauv Ntawv Cog Lus Qub. Thiab lwm qhov yog muaj Yes Xus tus uas tsis haum qee phab nyob hauv Ntawv Cog Lus Qub. Nov yog qhov yuam kev hauv kev ua kom nkag siab txog qhov muaj nqis thiab lub ntsiab lus ntawm cov lus txhais nyuab nyob hauv Ntawv Cog Lus Qub.
Sim los ua kev nkag siab ua ke seb ! Hais txog cov Yus Das mas Ntawv Cog Lus Qub yog lo lus kawg thiab meej tseeb uas Tswv Ntuj hais rau nws haiv neeg. Tswv Ntuj tsis muaj dab tsi yuav hais ntxiv, vim nws hais tas txhua yam nyob hauv Ntawv Cog Lus Qub lawm. Li ntawd Ntawv Cog Lus Qub thiaj raug txhais raws tus txwm ntawv xws li cov Mawv Xis Lim. Peb yuav tsum ua raws Ntawv Ntshiab Qur'an uas ib txwm muaj los thiab tau txais kev qhuab qhia los ntawm Muhammad, ces tsis tas yuav txhais cov ntsiab lus. Peb yuav ua raws yam uas sau tseg, vim nws yog Tswv Ntuj lo lus kawg thiab meej tseeb. Nov tsis yog qhov uas cov neeg ntseeg ua raws Ntawv Cog Lus Qub. Ntawm cov neeg ntseeg, mas cov ntawv ntawd tsis tau sau txoj cai uas yuav tsum coj nruj nruj. Phau Ntawv Cog Lus Qub yog zaj hais txog kev mus kev ntau pua xyoo thiab kev txom nyem ntawm fab ntsuj plig hauv cov His Xas Lais txoj kev mus kev. Tswv Ntuj maj mam coj cov neeg no mus txog qhov zoo txhij zoo txhua nyob hauv cov yawg koob tus yam ntxwv. Cov yaj saub tej lus, cov lus thov Ntuj ntawm tus sau Nkauj Paj Nruag thiab kev qhuab qhia uas tshwm sim nyob hauv ntau tiam neeg. Tswv Ntuj tau qhuab qhia lawv nyob hauv tej xwm txheej hauv lawv cov liv xwm, nrog rau kev sib ntaus rog, kev tsis ncaj ncees, kev ntxias dag thiab kev ntxeev siab. Cov phau ntawv no qhia peb tias ; cov His Xas Lais maj mam nrhiav pom Tswv Ntuj lub ntsej muag tseeb tiag, thiab lawv nkag siab tias cov neeg zoo yuav coj zoo li cas.
Sim los xav txog Tswv Ntuj tus duab seb ! Nws tsis yog qhov txawv tias ; ua cas nrhiav pom Tswv Ntuj lub ntsej muag tau sai cuag no. Thiab txhob xav tias thaum chiv thawj cov His Xas Lais cav txog Tswv Ntuj tus duab nyob hauv ntau tus yam ntxwv, raws li peb pom nyob hauv txhua haiv neeg tus tswv ntuj uas lawv teev nyob As Xias nrab txheej thaud. Nyob hauv Ntawv Ntshiab peb pom tias ; Tswv Ntuj raug piav tias yog ib tug tub rog uas nyob rawv ntawm nws haiv neeg thiab lwm haiv neeg ib sab.
Nov yog daim duab ntawm tus tswv ntuj uas txhua haiv neeg muaj nyob rau lub caij ntawd. Tsis yog qhov txawv uas cov His Xas Lais xav tias Tswv Ntuj yog lawv tus phooj ywg ncaj ncees, yog tus sau txoj cai, yog tus kws lij choj uas muab txim hnyav rau cov hla txoj cai. Tab sis cov His Xas Lais tsis tau tso tseg txij ntawd, lawv tseem nrhiav pom lawv tus Tswv Ntuj lub ntsej muag heev zuj zus. Kuv pom Tswv Ntuj mos nyoos thiab ntaug lees. Lawv pom Tswv Ntuj yog tus zov yaj, tus lawv nyiam, tus ua tus txiv thiab leej txiv.
Muaj kev nrhiav pom Tswv Ntuj lub ntsej muag tseeb tiag.
Yes Xus tsis yog tuaj kom tsis lees txais kev mus kev hauv fab ntsuj plig ntawm Tswv Ntuj haiv neeg, thiab nws tsis tau nres ntawm yam uas cov His Xas Lais ua tiav. Yes Xus tuaj kho kom zoo ntxiv, kom tau coj qhov pom kev mus txog Tswv Ntuj lub ntsej muag thiab ib tsoom neeg nyob saum lub roob Nkos Nkos Tas, uas yog qhov zoo nkauj tshaj ntawm Tswv Ntuj. Tus uas yog kev nyiam kev hlub thiab yog kev hlub nkaus xwb. Kev nthuav tawm kev nyiam kev hlub loj dua no tsis muaj, thiab tsis muaj txoj kev nyiam kev hlub twg yuav loj dua tus muab txoj sia txoj kev nyiam kev hlub. Zoo li Tswv Ntuj tus duab. Tib neeg tus duab kuj tau txais kev maj mam nthuav tawm ib yam. Qee zaus kev ncaj ncees uas piav nyob hauv ntawv Moo Zoo kuj zoo li lwm haiv neeg, tsis kav nws siv muaj txiaj ntsim qab hau tas mus li. Cov lus Tswv Ntuj muab rau cov His Xas Lais yog qhia kom txhob tua neeg, txhob ua tub sab tub nyiag, txhob zes luag poj luag sev thiab hwm niam hwm txiv. Nov yog cov lus qhuab qhia zoo kawg. Yes Xus tsis tuaj yeem hais txawv cov lus qhuab qhia no, thiab nws tsis tso tseg txij ntawd. Nov yog qhov txawv ntawm cov Yus Das thiab cov neeg ntseeg. Ntawm cov neeg ntseeg, mas Ntawv Cog Lus Qub tsuas yog ib feem hauv kev mus kev xwb. Tab sis ntawm Yes Xus, mas yog qhov mus deb dua ntawd. Yes Xus hais mus txog npoo ntuj npoo ntiaj teb. Ntawd yog kev nyiam kev hlub tsis muaj pauj rov qab uas muab rau ntiaj teb neeg. Txaus siab yuav muab txoj sia cev rau, tab txawm yog tus yeeb ncuab kuj xij. Dhau ntawm txoj kev nyiam kev hlub no lawm, tsis muaj qhov mus deb dua no. Li ntawd Ntawv Cog Lus Qub thiaj yog lub hom phiaj no. Yog kev npaj txhij uas tsim nyog yuav nkag siab thiab tos txais qhov pom kev tiav log uas Yes Xus Nas Xas Les coj tuaj.
Ntxiv ntawm no mus peb yuav los moog tias ; Yes Xus muaj tus yam ntxwv zoo li cas hais txog Ntawv Ntshiab ? Yes Xus hais tias : “Txhob xav tias kuv tuaj kom tau rhuav txoj cai thiab cov yaj saub tej lus. Kuv tsis yog tuaj kom tau rhuav tshem, tab sis kuv tuaj ua kom txhua yam tiav.” Kuv hais qhov tseeb rau nej tias : “Thaum twg kuj xij, yog lub ntuj thiab daim av tseem nyob, tab yog ib tug txwm ntawv los yog ib lub Cim me me kuj yuav tsis ploj hauv txoj cai mus txog thaum txhua yam tiav tag. Tus twg ua txhaum txoj cai me me no thiab qhia lwm tus ua txhaum, mas tus ntawd yuav raug hu ua tus me tshaj nyob hauv Tswv Ntuj lub Ceeb Tsheej. Tab sis tus twg ua raws thiab qhia kom lwm tus ua raws, mas tus ntawd yuav raug hu ua tus loj tshaj nyob hauv Tswv Ntuj lub Ceeb Tsheej.” Vim kuv xub qhia nej lawm tias :
“Yog nej txoj kev ncaj ncees tsis ntau tshaj cov Thoob Xwm Ntawv thiab cov Fas Lis Xais, mas nej yuav chaws mus hauv Tswv Ntuj lub Ceeb Tsheej tsis tau.”
