Saib xyuas peb lub tsev
Lub ntiaj teb tab tom ntsib teeb meem kub ntxhov ntev loo los ntawm tib neeg cov hauj lwm. 200 xyoo dhau los neeg cov hauj lwm tau ua kev kub ntxhov rau tej huab cua thiab xyoob ntoo ntau kawg yam tsis tau muaj dua los. Thiaj ua rau lub ntuj muaj kev pauv ntxeev mus deb heev uas yuav tig tsis tau rov qab los zoo li qub. Qhov uas yuav ua kom neeg lees txais tias tau ua rau huab cua thiab hav zoov piam sij, mas yog tej pa ncho. 2-3 nqe lus no yuav rau peb xav tswv yim tias tej pa ncho yog dab tsi thiab ua kev piam sij rau tej xyoob ntoo nroj tsuag, huab cua zoo li cas.
Tej pa ncho ua teeb meem rau huab cua thiab neeg lub cev
Tej pa ncho yog thaum muab roj los hlawv, ces thiaj ncho pa dub mus rau saum ntuj thiaj ua rau huab cua tsis huv. Cov pa ncho ntawd thiaj ua teeb meem rau neeg, rau tsiaj txhu thiab nroj tsaug xyoob ntoo. Tej yam ntawd muaj qee zaus yus kuj ntsia pom thiab qee zaus ntsia tsis pom.
Lub ntiaj teb cov huab cua muaj ntau txheej thiab ntau yam pa iav. Cov pa iav huab cua ntawm neeg, nws haum rau neeg txoj kev ua lub neej nyob. Peb ua pa tso pa thiab loj hlob nyob hauv cov pa iav ntawd. Vim tias zim txwv no Technology ntawm neeg vam meej heev, ces neeg thiaj muab tej tshuaj tshiab los xyaw neeg cov pa iav ua pa. Ua kom huab cua tsis zoo, qhov tsis zoo uas peb tau txais ntau tshaj ntawd yog lub ntuj kub heev.
Pa ncho thiab huab cua phem lom neeg
Huab cua tsis zoo, yog los ntawm tej yam tshuab neeg siv mus kev, xws li tsheb, dav hlau thiab cov tsheb loj thauj toob xib kuj ua pa ncho rau huab cua tsis zoo. Vim tsheb thiab dav hlau yog siv hom roj fossil xws li : GAS ua kom cov tshuab ntawm lub tsheb muaj zog. Yog tias koj ua tib zoo saib koj yuav pom pa ncho tawm ntawm koj lub tsheb los. Cov pa ncho uas koj pom, yog Carbon Dioxide. Vim niaj hnub no nyob hauv ntiaj teb muaj tsheb ntau heev, ces zoo li peb tab tom txhab Carbon Dioxide rau saum nruab ntug. Thiaj ua kom qhov kub ntawm lub ntiaj teb kub dua tuaj. Nod yog lub tswv yim uas xav txog lub ntiaj teb qhov kub.
Tab sis cov pa ncho uas tawm ntawm peb cov tsheb los, yog qho me me ntawm cov huab cua nyob saum ntuj tsis zoo. Qhov loj tiag yog cov pa ncho tawm ntawm cov tuam tsev tsim toob xib thiab tsim txhiam xws noj thiaj yog cov pa ncho lom huab cua thiab lom neeg. Teeb meem huab cua tsis yog ua kom muaj iab oo xwb, tseem ua kom muaj mob muaj nkeeg thiab, xws li hawb pob thiab hlab siab hlab ntsws tsis zoo.
Av tsis zoo
Hais txog tej yam ua rau av tsis zoo, koj sim xav tias yog 7,000 plhom tus neeg pov tej toob xib qias neeg thiab hnab roj hmab, nws yuav ntau npaum cas ? Koj puas tau xav tias tej yam qias neeg thiab cov hnab roj hmab ntawd mus dua twg tas lawm ?
Tas txhia yam uas hais los no muaj qee yam ua kom huab cua phem rau neeg, xws li cov hnab roj hmab. Hnab roj hmab muaj kua tshuaj ntws mus rau hauv av thiab tej dej ntws. Cov kua tshuaj no yuav ntws mus txog hiav txwv, txog cov niam dej, ces yog neeg haus yuav ua teeb meem rau neeg lub cev. Qhov yuav daws tau ces yog muab tej yam uas yog roj hmab rov qab mus rau cov tuam tsev tsim toob xib rov ua dua tshiab.
Dej tsis huv
Hais txog tej yam ua rau dej tsis huv. Peb yuav ua li cas yog thaum peb tsis muaj dej huv haus lawm ? Yog thaum hiav txwv thiab tej niam dej tsis huv thiab muaj kuab lom neeg ua rau tej tsiaj tej ntses tuag tas, ho yuav zoo li cas ? Dej pab kom peb muaj txoj sia thiab qhov uas peb muaj dej ntshiab huv haus yog qhov tseem ceeb heev. Peb tau haus dej ntawm tej tug kais dej, tab sis tam sim no peb puas xav tias cov dej ntawm tus kais dej puas ntshiab huv. Ces peb yuav tsum xuas nyiaj yuav cov dej ntshiab huv nyob hauv hwj coj los haus.
Tib neeg yog tus kom ua dej tsis huv thiab muaj kuab lom neeg, tib neeg pov tej yam qias neeg rau hauv hiav txwv yam tsis quav ntsej txog lwm yam. Cov nkoj khiav hauv hiav txwv kuj nchuav thiab tog hauv hiav txwv, ua rau roj xyaw hiav txwv tas. Yav tom ntej tib neeg haj yam yuav ua kom hiav txwv qias neeg dua qub thiab ua teeb meem rau cov niam dej. Vim li no nyob hauv lub hiav txwv Pas Xis Fiv thiaj muaj ib lub pov txwv qias neeg, yog tej hnab roj hmab uas neeg pov tseg rau hauv hiav txwv.
Peb yuav tso tseg kev pov hnab roj hmab thiab tej yam qias neeg rau hauv hiav txwv, vim peb muaj ib lub ntiaj teb xwb, peb yuav tau txuag thiab saib xyuas.
https://www.theworldcounts.com/stories/What_is_Pollution_for_Kids
