Tus Txiv Plig ntawm lub Koom Haum Claretian hais tias : COP30 yog kev pauv ntxeev tseem ceeb ntawm lub Koom Txoos Kav Tos Liv
Txiv Plig Rohan Dominic tus cev lus ntawm lub Koom Haum Claretian hauv lub Leej Haum Kuv nyob New York hais tias : “Kev ua hauj lwm fab huab cua tsis yog kev xaiv ntxiv mus, tab sis yog cov hauj lwm tseem ceeb thiab tshwj xeeb tshaj rau lub Koom Txoos Kav Tos Liv.” Nws ntseeg tias COP30 nyob hauv lub nroog Belem nyob Nplas Xis teb, uas yog qhov chaw cov neeg ntseeg tuaj sib sau coob tshaj yam tsis tau muaj los dua. Yog kev pauv ntxeev tseem ceeb hauv lub Koom Txoos.
Dominic ntseeg tias lub Koom Txoos ‘xav tshais kom dhau kev ceeb toom hauv kev ncaj ncees, thiab muaj qhov meej tseeb hauv kev teeb txoj cai hais txog huab cua ntiaj teb.’ Dominic piav tias COP30 yog COP uas zoo heev rau lub Koom Txoos Kav Tos Liv yav tag. Kev muaj feem cuam ntawm lub Koom Txoos hauv ntiaj teb lub sam thiaj fab huab cua muaj tsawg heev. Tab sis xyoo no nws xam pom tias yam no tab tom hloov mus. Pab neeg sawv cev ntawm lub Koom Txoos, muaj feem cuam hauv kev tuav xam hais txog kev pauv ntxeev hauv kev ncaj ncees. Kev ntsuas tus nqi thoob ntiaj teb thiab nqe lus 6 hauv kev cog lus Paris.
