Yog vim li cas yuav tsum thov Ntuj txhua zaus thaum yuav noj mov?
Vim peb ntseeg tias txhua txhia yam uas peb tau txais los mas yog Tswv Ntuj pub thiab pab peb. Li ntawd, phim yuav tsum ua Tswv Ntuj tsaug txhua txhia zaus uas yus tau noj.
Yuav thov kom Tswv Ntuj foom koob foom hmoov zoo rau cov zaub mov kom noj ntxiv siab, haus ntxiv zog. Noj yeej mob, haus yeej nkeeg, thiab kom khwv tsuas muaj tau noj tau haus mus ntxiv.
Txawm yog yus noj yus ib leeg, los nrog yus tsev neeg noj ua ke, los yog tau nco ntsoov ua Tswv Ntuj tsaug tib si.
Ua zaub ua mov siav tas, rau rau saum rooj, ces sawv daws sawv ntsug los zaum ncig lub tsum mov thov Ntuj ua ke li no:
“Hu txog Leej Txiv, Leej Tub, thiab Leej Ntuj Plig lub npe. Ua li.
Huab Tais Tswv Ntuj tus muaj hwj huam ntshiab huv, thov koj foom koob foom hmoov rau saum cov zaub mov no, kom txia ua ib co txhiam laj txhiam xws ntshiab. Peb noj tag mus ua roj ua ntshav yeej kab mob kev nkeeg. Plhis plho ua lub tswv yim thoob tsib coj peb ua neej nyob hauv koj txoj kev sib nyiam sib hlub. Peb yuav tu tau lub ntiaj teb no kom tiav li koj nyiam."
Hais li no tas ces seev li zaj nram no:
"Huab Tais, thov koj foom hmoov zoo rau peb,
thov koj foom hmoov zoo rau cov txhiam laj txhiam xws
peb txais ntawm koj txhais tes los.
Ua li."
Los yuav seev zaj no:
"Tswv Ntuj ntsia mov coj peb nce rooj.
Zaum ncig phaj qav zaub zoo.
Peb thov Tswv Ntuj tig ntsia.
Foom lus zoo lus coj sia
kom peb noj tag peb yim muaj zog
ua txoj hauj lwm uas Tswv Ntuj tos."
Seev suab tas ces ua Ntoo Cuam Lub Cim.
