Tau txais kev tiv thaiv los ntawm cov Koom Haum tsov rog thiab kev ua phem txhaum cai. Muaj cov neeg raug nyiag coj mus muag tuaj ntawm 60 lub teb chaws tuaj.
Thaum tus kab mob COVID-19 pib ploj nyob hauv xyoo 2022, mas cov ciam teb rov pib qhib kev. Cov tseem hwv Khas Phus Chas kuj pib cheb ntxuav kev ua luam neeg uas yog muaj qhov chaw loj nyob hauv lub nroog Sihanoukville qab teb. Yog qhov chaw muaj cov tuam tsev tsim toob xib loj thiab ntau, thiab muaj nyiaj li ntawm ntau plhom txhiab dos las. Tab sis raug quab yuam los ntawm Suav teb thiab cov teb chaws nyob As Xias toob fab naj, ces cov tseem hwv Khas Phus Chas ntxhov siab thiab chim heev zuj zus, kuj yog los ntawm cov neeg phem uas muaj qhov chaw loj nyob Mas Les Xias. Lawv ua luam muag neeg thiab ntxias cov neeg Khas Phus Chas mus ua qhev, ces thiaj ua rau cov tseem hwv Khas Phus Chas tsis txaus siab.
Cov neeg ua luam neeg, thaum chiv thawj lawv khiav mus nyob raws Khas Phus Chas ciam teb sab hnub poob thiab nyob Los Tsuas teb. Tam sim no lawv tau khiav mus nyob rau Myanmar qaum teb. Lawv nyob ywj siab thiab ua luam ntxias neeg muag yam tsis raug txim, vim nyob Myanmar teb tab tom muaj tsov rog ntxhov quav niab, ces tseem hwv tsis quav ntsej txog tej yam txhaum kev cai zoo li ntawd.
Lawv tau zoo ua luam neeg thiab tsim kev sib raug zoo nrog cov nom Myanmar nyob Nes Pis Dos thiab cov tub rog zov ciam teb
