Cov tsev txais qhua qub qub nthuav tawm cov neeg thoj nam Nyab Laj txhaum cai

Hauv lub nroog Bando lub xeev Ibaraki muaj cov poj niam thiab txiv neej li ntawm 20 leej nyob hauv ib lub zos. Dhau ntawd tseem muaj tsev noj mov, tsev hu nkauj hmo ntuj uas tsis muaj neeg. Muaj cov neeg Nyab Laj ua hauv lwm nyob Zis Pees teb kwv yees 600,000 leej, tab sis lawv yog cov coob tshaj nyob hauv 10,000 tus neeg xyaum hauj lwm uas ploj mus lawm nyob Zis Pees teb tsaib no. 

Cov tseem hwv hais tias lawv yog cov neeg tsis muaj chaw mus thiab nyob dhau sij hawm lawm. Raws kev soj ntsuam cov tub ceev xwm tshawb pom cov txiv neej thiab cov poj niam neeg Nyab Laj 20 leej hauv lub xyoo no. Cov tub ceev xwm pom pab neeg no thaum lawv mus tshawb cov tsev txais qhua qub qub qee lub nyob hauv nroog nrug deb Tokyo sab toob fab pej li 50 km. Lawv nyob ua ke hauv ib lub nroog uas muaj tsev noj mov, muaj tsev hu nkauj hmo ntuj qub qub li ntawm 10 tawm lub hauv lub nroog Bando. Ntseeg tias lawv qee leej yog khiav ntawm cov Koom Haum lawv xyaum ua hauj lwm txhaum kev cai, ces lawv thiaj khiav los nkaum nyob hauv cov tsev no ib ntus. Cov tsev no thaum ub yog ib tug los pav Nyab Laj 40 xyoo li. Tsaib no lub 10 hli nws raug lub txim pub chaw nyob rau cov neeg txhaum kev cai nyob.