Cov tub rog Thaib liam tias Khas Phus Chas hla txoj cai tshiab hais txog tso tseg kev sib ntaus sib tua

Hnub tim 29 lub 12 hlis tag los no, cov tub rog Thaib liam tias Khas Phus Chas hla cov lus cog tshiab hais txog tso tseg kev sib ntaus sib tua. Yog cov lus cog hais txog kev sib ntaus sib tua nyob ntawm ciam teb ntau lub lis piam tag los. Cov lus liam tias cov tub rog Khas Phus Chas tso tshaj 250 lub Drone ya hla Thaib ciam teb.

Ob lub teb chaws nyob As Xias toob fab naj cog lus tso tseg kev sib ntaus sib tua hauv hnub tim 27 lub 12 hlis tag los. Lawv sib cog lus tias yuav tso tseg kev rov sib tua raws ciam teb, vim muaj neeg tuag ntau caum leej thiab muaj neeg khiav ua thoj nam 1 plhom tawm leej nyob hauv lub hli tag los. 

Tab sis cov lus iab hiam nyob Bangkok thiab tso hem thawj tias yuav tso cov tub rog Khas Phus Chas uas raug ntes, ua rau kev cog lus tias yuav tsis sib tua lawm nws muaj qhov tsis meej tseeb. Tab txawm ob tug pwm tsav txawv teb chaws ntawm ob lub teb chaws tau sib hais haum thiab muaj Suav ua pov thawj kuj xij. 

Lub pwm tsav tub rog Thaib hais tias : “Lawv soj ntsuam pom 250 lub Drone (UAV) ya ntawm Khas Phus Chas teb tuaj mus rau Thaib teb nyob hauv hnub tim 28 lub 12 hlis tag los.” Khas Phus Chas tus pwm tsav txawv teb chaws hais tias : 

“Cov Drone uas ya no, yog tej yam me me ntawm cov Drone uas ob tog cov tub rog tso ya raws ciam teb xwb.”