Ib tug tub paj nruag Batak raug ntes nyob Xus Mas Ras, vim nws xav txuag poj yawm txwv koob tej av
Kev ntes Sorbatua Siallagan ua rau muaj kev tawm tsam ntawm cov zej zog, vim lawv taij thov kom tso nws. Cov xwm no tshwm sim los ntawm tseem hwv tso lus rau lub Koom Haum PT Toba Pulp Lestari uas tsim ntawv txij xyoo 1980 los thiab nyob ze ntug dej hiav txwv Toba. Yog lub hiav txwv roob hluav taws loj tshaj nyob ntiaj teb no. Cov kav xwm nrhiav kev ncaj ncees nyob Is Ntos Nes Xias teb thov kom cia li tso tseg kev muab txim. Sorbatua Siallagan uas nws yog ib tug tub paj nruag raug ntes kaw txij lub 3 hlis los nyob hauv lub pov txwv Xus Mas Ras Pej, vim nws xav txuag cov poj yawm txwv koob Batak tej thaj av. Vim cov pej xeem toj siab lawv nyob txawm hauv cov thaj tsam no los tau 11 txheej neeg lawm. Txij tiam 19 los txog rau zim txwv no.
Cov tseem hwv tau muab thaj av ntawd rau ib lub Koom Haum pej xeem txij xyoo 1980 los lawm. Lub Koom Haum PT Toba Pulp Lestari tau muab qhov chaw ntawd tsim ib tsev tsim ntawv nyob ze hiav txwv Toba. Ua rau txhua yam nyob ib puag ncig thiab tsoom pej xeem nyob ib cheeb tsam ntawd tau txais kev kub ntxhov los ntawm kev ntov ntoo thiab cog nto Yus Khas (eucalyptus). Tsoom pej xeem nyob Ompu Umbak Sialllagan thaj tsam Simalungun thiaj sib sau tawm tsam nyob ntawm cov tub ceev xwm lub tsev, nyob hauv lub nroog Medan. Lawv taij thov kom tso Sorbatua Siallagan.
