Pab kav xwm hais txog kev noj qab haus huv ntawm lub teb chaws tshaj txog cov hauj lwm no tias : yog ib feem hauj lwm ntawm kev pab tej yam tshwm sim sai sai uas raug zais tseg los ntau xyoo vim kab lis kev cai. Kev nyuab siab ntxhov siab muaj ntau nyob hauv ntau thaj tsam nyob toj siab. Tshwj xeeb tshaj yog cov poj niam thiab cov tub ntxhais hluas. Muaj cov kws kho mob hlwb li 4 leeg nyob hauv 100,000 tus pej xeem nyob hauv lub teb chaws. Hnub tim 25 lub 12 hlis, Suav cov kav xwm kev noj qab haus huv tau npaj lub rooj sib tham nyob Pej Ceeb, kom tau tawm tswv yim txog kev muab siab rau hauv lub teb chaws hais txog cov neeg puas hlwb.
Raws cov lus tshaj tawm ntawm ntiaj teb lub Koom Haum noj qab haus huv. Tsoom pej xeem Suav 54 plhom leej tab tom poob nyob hauv txoj kev ntsoos thiab 41 plhom leej yog cov neeg muaj mob ntxhov siab thiab poob siab. Raws kev tshaj tawm nyob hauv lub tsev vas World Population Review ua kom pom tias cov neeg nyob toj siab muaj kev hais txog tua tus kheej coob dua cov neeg nyob hauv nroog li 5 npaug. Thiab cov neeg ntawd feem coob yog poj niam, nws txawv dua cov teb chaws sab hnub poob. Qhov teeb meem no cov xwm txheej no, yog qhov ua rau neeg tuag tim 5 nyob Suav teb hauv xyoo 2024. Yog los ntawm qhov tsis muaj neeg saib xyuas lub cev ntaj ntsug, kev raug luag thuam hais tias mob hlwb, kev pluag txom nyem thiab kev txawj ntse qis uas ntsia pom nyob pem toj siab. Vim xav npaj txhij tos txais cov xwm txheej no, NHC tau ua cov hauj lwm kawg hauv kev txhim kho fab siab ntsws, txhawb nqa kom muaj kev tiv thaiv thiab txhawb nqa tej hauj lwm kev kawm uas muab siab rau txog kev txawj ntse thiab cov teeb meem no nyob hauv tsoom pej xeem thiab cov tub ntxhais hluas.
