Lag luam kev kub ntxhov thiab cov nyiaj yees (Yen), ua kom cov tub kawm Zis Pees xaiv mus kawm ntawv txheej siab nyob As Xias
Kev lag luam kub ntxhov thiab cov nyiaj yees poob nqis, ua rau cov tub kawm ntawv Zis Pees thiab cov tub ntxhais hluas coob kawg tig mus nrhiav kev kawm txuj nyob hauv cov teb chaws As Xias. Ua kom lawv tso lawv lub teb chaws uas cov teb chaws nyob xib fab nyiam tseg, vim nyiaj tsis muaj nqis thiab cov nyiaj yees poob qis heev. Ua rau se siab thiab kev ua lub neej nyob tsis muaj qhov ruaj khov.
Zim txwv no cov tsev kawm txheej siab nyob Kas Nas Das, nyob As Mes Lis Kas, nyob Aus Thas Lias thiab nyob Aas Kiv teb tseem yog qhov chaw cov hluas xav kawm. Txawm li cas kuj xij, cov tub kawm hauv cov tsev kawm txheej siab nyob Zis Pees, tab tom xaiv mus kawm txuas ntxiv nyob Thais Vas, nyob Kos Lim Naj, nyob Mas Les Xias thiab nyob Fis Lis Pees. Vim nqi kawm ntawv thiab kev nyob noj pheej yig dua. Thawj yam tseem ceeb ntawm kev kawm txuas ntxiv nyob txawv teb chaws, yog kev txhim kho kev txawj ntse hauv xeem lus Aas Kiv. Vim yog yam cheem tsum hauv kev ua lub neej rau yav tom ntej. Xyoo 2024, Zis Pees teb tus zauv hais txog lus Aas Kiv poob qis tshaj plaws. Yav tag los nyob rau 116, tab sis poob los rau 92 nyob hauv xeev ntuj. Tab txawm lus Aas Kiv tsis yog xeem lus siv hauv lub teb chaws raws li EF Education First tshaj tawm kuj xij.
