Lub Koom Haum Caritas nyob thoob ntiaj teb. Caritas Internationalis
Caritas Internationalis yog lub Koom Haum pab neeg txom nyem, pab kev txhim kho thiab kev pab cuam nyob hauv 162 qhov chaw hauv lub Koom Txoos Kav Tos Liv. Caritas ua hauj lwm nyob hauv 200 tawm lub teb chaws nyob thoob ntiaj teb hauv lub npe : “Caritas Internationalis”. Yog hais txog lub Koom Haum Caritas nyob thoob ntiaj teb thiab lub chaw loj yog nyob Los Mas, Is Tas Lias teb.
Caritas cov hauj lwm, yog pab cov neeg pluag txom nyem thiab txhawb nqa kev pab cuam, kev ua zoo thiab kev ncaj ncees nyob thoob ntiaj teb. Caritas Internationalis yog lub Koom Haum loj tim 2 uas pab tib neeg kev ncaj ncees nyob ntiaj teb. Nws me zog lub Koom Haum ib sab hli liab ntawm txhua lub teb chaws xwb.
Lub keeb chiv ntawm Caritas.
Qhov pib ntawm Caritas yog li no : xyoo 1891, Vaj Qhia Lis Os tim 13 tau luam ib tsab ntawv xov xwm Rerum novarum uas hais txog cov tub zog los cov neeg ua hauj lwm. Rerum novarum yog cov lus hauv paus ntawm kev ntseeg nyob hauv zej zog ntawm Kav Tos Liv txheej tshiab. Yog lub hauv paus ntawm cov hauj lwm hauv Caritas. Lub Koom Haum Caritas yog pib los ntawm Caritas Germany uas yog thawj lub Koom Haum. Tus txhim tsa Caritas yog Lorenz Werthmann nyob hauv xyoo 1897, hauv lub nroog Freiburg. Xyoo 1916, uas yog lub caij tsov rog ntiaj teb zaum ib, Caritas raug lees txais ua ib lub Koom Haum pab neeg raug cai ntawm lub Koom Txoos Kav Tos Liv nyob Zes Mas Nias teb thiab yog tib lub nyob hauv ntiaj teb xwb. Xyoo 1922, cov thaj tsam uas Zes Mas Nias kav thiaj tau teeb tsa lub Koom Haum Caritas uas yog lawv ntiag tug.
Kev sab laj hais txog lub Cim Yug hauv xyoo 1924, yog qhov chaw txhib txog kev sib pauv thiab kev sib koom tes hla ciam teb ntawm lub Koom Haum Caritas.
Lub 7 hli xyoo 1924, lub caij sab laj txog lub Cim Yug nyob tas ntiaj teb zaum tim 27, nyob hauv lub nroog Amsterdam. Muaj kev sib sau sab laj ntawm cov teb chaws hais txog kev ua hauj lwm pab neeg. Lub hom phiaj ntawm lub rooj sab laj yog sib tuav xam hais txog cov hauj lwm pab neeg ntawm lub Koom Txoos Kav Tos Liv nyob hauv txhua txhia lub teb chaws. Cov lus tuav xam no ua kom pom txog ntau yam hauj lwm pab neeg uas tshwm sim, tab sis tsis muaj kev sib koom tes thiab kev sib txuas lus uas zoo tiag tiag. Ua rau cov neeg tuaj koom sab laj feem coob xav kom muaj kev teeb tsa qhov chaw loj uas pab neeg nyob hauv txhua lub Cheeb Koom Txoos. Kev ua li no kom tau sau tas tej kev muab siab rau hauv txhua txoj kev pab los ua ke nyob hauv lub Cheeb Koom Txoos. Qhib kom muaj kev sib koom tes hauv lub teb chaws thiab txhua txhia lub teb chaws. Tom qab lub Koom Haum no thiaj raug tis npe hu ua : “Caritas Catholica” thiab tab meeg teeb tsa raug cai nyob hauv xyoo 1928. Tab sis lub chaw loj yog nyob hauv Caritas Switzerland, hauv lub nroog Lucerne. Lawv tau faib cov hauj lwm ua 6 feem xws li : cov tub ntxhais hluas, kev paub thiab kev qhia pub dawb, kev pab cov neeg txom nyem thiab cov yim neeg, kev tshais chaw thiab nrhiav chaw nyob, kev pab cov neeg muaj mob thiab kev tiv thaiv tej kab mob phem.
Kev teeb tsa Caritas Catholica muaj kev cej luam mus txog qhov chaw loj uas nyob Vas Tis Kas thiab cov sawv cev ntawm Caritas Catholica yuav tsum muaj kev sab laj txhua txhua 2 xyoos ib zaug. Cov sawv cev koom sab laj li ntawd mus txog tsov rog ntiaj teb zaum ob sawv, ces cov hauj lwm cia li nres tas.
Muaj ib txhia Koom Haum Caritas txhim tsa tom qab tsov rog ntiaj teb zaum ob, kom tau tshawb nrhiav thiab sib txuas lus hauv cov hauj lwm pab neeg rau tsoom pej xeem uas lawv xav tau kev pab ntau dua. Xws li American Catholic Relief Services txhim tsa xyoo 1943, Secours catholique txhim tsa nyob Fab Kis teb xyoo 1946, thiab Caritas Japan txhim tsa xyoo 1946.
Tab meeg teeb tsa raug cai nyob hauv xyoo 1951.
Caritas Catholica cov hauj lwm rov qab los pib dua tshiab nyob hauv xyoo 1947, thiab tau txais lus kheev tuaj ntawm Vas Tis Kas tuaj. Muaj kev sab laj 2 zaug nyob hauv lub nroog Lucerne, kom tau kev sib txuas lus thiab muab siab rau sib koom tes. Caritas tau txais kev lees paub dav tuaj, yog thaum Vas Tis Kas tsa ua tus sawv cev ntawm lub Koom Txoos Kav Tos Liv cov hauj lwm hauv txhua txhia lub teb chaws, tshwj xeeb tshaj yog lub Leej Haum Kuj.
Xyoo Ntshiab Huv 1950, yog kev pib sib sau ntawm cov Koom Haum Caritas raws li Monsignor Montini uas yog tus lwm thawj tswj nyob Vas Tis Kas cov lus. Ntxiv mus thiaj yog Vaj Qhia Paj Lug 6 koom nrog cov sawv cev tuaj ntawm 22 lub teb chaws tuaj. Lawv sib sau nyob Los Mas kom tau soj ntsuam txog teeb meem hauv cov neeg ntseeg tej hauj lwm. Caritas thiaj txiav txim siab teeb tsa “lub rooj sab laj txhua txhia lub teb chaws cov Koom Haum Kav Tos Liv pab cuam neeg.”
Hnub tim 21 lub 10 hli xyoo 1951, tus Tswv Qhia nyob Los Mas tau tso lus kheev txoj cai kav cov Koom Haum ntawm cov teb chaws raws Ad experimentum nyob hauv hnub tim 12 txog 14 lub 12 hlis 1951. Thiaj muaj kev teeb tsa lub Koom Haum Caritas Catholica, uas muaj cov koom teeb tsa tuaj ntawm cov Koom Haum Caritas nyob hauv 13 lub teb chaws tuaj. Thawj tus neeg uas raug xaiv los tuav lub Koom Haum no yog Tswv Qhia Ferdinando Baldelli uas nws yog neeg Is Tas Lias. Nws ua tus thawj coj Caritas Internationalis txog xyoo 1962 thiab Carlo Bayer uas nws yog neeg Zes Mas Nias los tuav txoj hauj lwm txog xyoo 1970.
Xyoo 1957, hauv kev sab laj ntawm txhua lub Koom Haum Kav Tos Liv pab cuam neeg tau hloov npe ua Caritas Internationalis, kom tau qhia txog yam uas lawv muaj hauv cov tub koom tes Caritas txhua lub teb chaws thiab txhua xeev ntuj.
Nkag mus txog txhua lub teb chaws hauv xyoo 1950 txog 1960.
Dej hiav txwv pej nyab yog xyoo 1953, yog qhov kev kub ntxhov loj kawg hauv cov xyoo 1950. Caritas Internationalis tau nqua hu kev pab neeg ntawm lub Koom Txoos Kav Tos Liv hauv cov xyoo 1950. Lub Koom Haum Caritas ntawm cov teb chaws tshiab tshiab thiaj tau teeb tsa thiab nkag los koom nrog Caritas Internationalis. Caritas Internationalis kuj nqua hu kom cov tub koom tes nrog pab cuam kev kub ntxhov nyob Aws Los Pas, xws li dej nyab hauv xyoo 1953 nyob Nes Des teb thiab Npes Zis teb. Av qeeg nyob Ais Os Nias xyoo 1953 thiab kev khiav ua thoj nam ntawm cov neeg Hoos Nqis 200,000 leej tom qab muaj kev tawm tsam xyoo 1956.
Xyoo 1957 Caritas Internationalis tau teeb tsa pab kav xwm uas pab neeg thaum muaj xwm txheej tshwm sim. 2 xyoos tom qab lub Koom Haum pib ua cov hauj lwm thawj zaug. Kev vam meej hauv kev lag luam uas ntau lub teb chaws sab hnub poob ntsib thiab pom tias lub ntiaj teb tseem muaj ntau qhov chaw tshaib nqhis thiab txom nyem kawg. Xyoo 1959 raws li Tswv Qhia Joseph Frings thiab tas cov Tswv Qhia Zes Mas Nias kev txiav txim siab tos txais kev pab nyob hauv lub Caij Plaub Caug pub rau cov tshaib nqhis, cov pluag txom nyem thiab cov muaj mob. Lub tswv yim tos txais kev pab hauv lub Caij Plaub Caug tau siv peev nyiaj txiag mus pab kev kub ntxhov nyob hauv ntau lub teb chaws thiab tseem ua qhov chaw sau nyiaj ntawm ntau lub Koom Haum Caritas nyob thoob ntiaj teb.
Xyoo 1962, Tswv Qhia Liab Raúl Silva Henríquez nyob Sis Lis teb raug xaiv los ua tus thawj coj Caritas Internationalis. Caritas koom tes nrog lub Leej Haum Kuj fab txhiam xws noj thiab kev ua liaj ua teb daws tso kev tshaib nqhis 5 xyoos. Vim lub Koom Haum Caritas muaj ntau zuj zus tuaj, ces thiaj rais ua tus txhim kho hauv nws lub teb chaws. Lub rooj ncauj lus Vas Tis Kas Ob hauv xyoo 1962 txog 1965, thiaj qhib lub Koom Txoos rau ntiaj teb paub. Lub rooj ncauj lus Vas Tis Kas Ob hais txog cov hauj lwm muaj nqis uas cov neeg ntseeg ua, thiab thov kom muaj kev nrog lwm cov kev teev hawm sib fim. Txhib kom cov neeg ntseeg txhawb nqa kev txhim kho hauv cov thaj tsam muaj neeg pluag thiab txom nyem. Tsim kev ncaj ncees hauv zej zog thiab lwm cov teb chaws. Xyoo 1967, Vaj Qhia Paj Lug 6 nthuav tsab ntawv Populorum progressio uas yog tsab ntawv xov xwm hais txog kev txhim kho pej xeem. Ces tom qab no thiaj rais ua lub hauv paus ntawm Caritas Internationalis cov hauj lwm. Kom lub Koom Haum muab siab rau txhim kho kev pab, xws li av qeeg nyob Buin Zahra xyoo 1962, thiab av qeeg nyob Skopje xyoo 1963.
Caritas nto npe hauv fab tib neeg kev ncaj ncees uas tseem ceeb lub caij tsov rog Biafran 1967 txog 1970. Caritas Jerusalem thiaj teeb tsa kom tau pab cov neeg txom nyem tom qab tsov rog As Las thiab His Xas Lais xyoo 1967.
Xyoo 1969 tom qab xyoo tib neeg txoj cai nyob thoob ntiaj teb uas yog 1968, Caritas Internetionalis lub rooj sab laj loj tau muab kev cog lus rau cov teb chaws uas tab tom vam meej coj los siv. Yog txhawb nqa lub hauv paus ntawm kev lag luam, zej zog thiab kab lis kev cai ntawm txhua lub teb chaws.
Kev txhim kho kev tshaj lij thiab kev nthuav dav txhab ntxiv nyob hauv xyoo 1970 txog 1980.
Hnub tim 19 lub 7 hli 1976, raws li Vaj Qhia Paj Lug 6 cov lus hais.
Caritas Internationalis tau txais kev nyob ua ntiag tug nyob Vas Tis Kas.
7 xeev ntuj thiaj teeb tsa cov Koom Haum Caritas zim txwv no nyob hauv xyoo 1970, kom txhab kev ua zoo thiab kev sib koom tes ntawm cov Koom Haum. Muaj kev sab laj thiab xaiv cov thawj coj nyob hauv xeev ntuj, kom tau ua cov hauj lwm ntau dua qub nyob hauv txhua lub Koom Haum hauv nyias xeev ntuj.
Xyoo 1980, Caritas Internationalis tau pab daws cov teeb meem av qeeg nyob Mev Xis Kos teb xyoo 1985 nrog lwm lub Koom Haum. Xyoo 1970 thiab 1980 lub Koom Haum tau pab daws tib neeg kev ncaj ncees nyob thoob ntiaj teb ntau yam, xws li ntuj qhuav nyob Sahe, kev khiav ua thoj nam ntawm cov neeg Nyab Laj mus rau Hooj Koos xyoo 1982, thiab av qeeg nyob Mev Xis Kos xyoo 1985. Tib neeg kev ncaj ncees hauv thawj ntsuj tsov rog xyoo 1980 txog 1988. Khaub lig cua ntuj qhua raug Npees Las Des teb xyoo 1988 thiab huab cua no nyob Aws Los Pas lub qab xyoo 1980.
Caritas Lebanon rais ua tus nto npe fab tib neeg kev ncaj ncees hauv ntsuj tsov rog Lebanon xyoo 1995 txog 1990. Caritas Internationalis koom nrog Lutheran World thiab lub Koom Txoos ntiaj teb npaj cov hauj lwm Churches Drought Action for Africa uas tom qab no muab hloov npe ua Joint Relief Programme, kom tau pab cov neeg raug kev kub ntxhov los ntawm ntuj qhuav nyob Es Thias Pias teb xyoo 1983 txog 1985.
Xyoo 1983, Tswv Qhia Alexandre do Nascimento nyob Angolan tau txais txoj hauj lwm ua tus thawj coj Caritas Internationalis txuas los ntawm tus Txiv Plig Zes Mas Nias Georg Hüssler hauv xyoo 1990 thiab xyoo 2000, uas yog lub caij muaj kev kub ntxhov ntawm tib neeg kev ncaj ncees heev kawg.
Kev ua hauj lwm fab tib neeg kev ncaj ncees.
Thaum xyoo 1990 txog xyoo 2000, yog ib ntu 10 xyoo uas muaj teeb meem txog tib neeg kev ncaj ncees heev kawg. Ces lub Koom Haum Caritas tau ua cov hauj lwm xws li daws teeb meem tsov rog Bosnian xyoo 1991 txog 1995. Daws kev tshaib nqhis nyob Xos Mas Lis teb xyoo 1992. Daws teeb meem kev cheb ntxuav tua haiv neeg Rwandan xyoo 1994. Daws teeb meem kev kub ntxhov ntawm cov neeg thoj nam Great Lakes xyoo 1994 txog 1996. Teeb meem tsov rog Koos Nkos teb thawj zaug xyoo 1996 txog 1997, thiab tsov rog nyob Kosovo xyoo 1998 txog 1999.
Thaum tsov rog nyob Darfur pib sawv hauv xyoo 2003, CAFOD uas nws yog tim xyoob nyob hauv Caritas Aas Kiv, tau ua tus coj hauv kev sib txuas lus nrog Action by Churches Together uas muaj lub tswv yim hu ua Darfur Emergency Response Operation (DERO). Thiab Caritas Internationalis kuj tau koom tes nrog Caritas Iraq daws cov teeb meem tib neeg kev ncaj ncees nyob Is Lav teb xyoo 2003.
Tom qab av qeeg los ntawm lub khaub lig cua Xws Nas Mib nyob Is Ntias teb xyoo 2004, Caritas Internationalis tau sib sau peev nyiaj txiag li ntawm 450 plhom dos las mus pab txhim kho. Cov nyiaj yog tau los ntawm Caritas Is Ntias, Is Ntos Nes Xias, Xis Laas Kas, Thaib thiab lwm cov teb chaws. Txawm li cas kuj xij, Caritas tseem ua cov hauj lwm ntxiv mus nyob hauv tus neeg pab zej zog thiab fab kev txhim kho nyob thoob ntiaj teb.
Txij xyoo 2019, muaj kev sib cav thiab kev pauv ntxeev ntawm cov Koom Haum.
Hauv lub 5 hlis 2019, fab hauj lwm txhawb nqa thiab txhim kho tib neeg tau hloov mus ua cov hauj lwm tshiab ntawm Vas Tis Kas uas yog saib Caritas Internationalis cov hauj lwm. Yog lub rooj Vaj Qhia Cor Unum koom nrog cov hauj lwm xyoo 2017.
Zis Pees tus Tswv Qhia Kikuchi raug xaiv los ua tus thawj coj ntawm Caritas Internationalis xyoo 2023.
Tus qauv.
Caritas Internationalis yog lub Koom Haum ntiaj teb uas muaj cov Caritas 162 pab neeg thiab ua hauj lwm nyob hauv 200 tawm lub teb chaws. Qhov chaw loj yog nyob hauv Palazzo San Callisto nyob Los Mas. Cov tim xyoob hauv lub Koom Haum yog teeb tsa los ntawm kev sab laj cov Tswv Qhia nyob hauv nyias lub teb chaws. Thiab ua cov hauj lwm pab zej zog los ntawm lub Koom Txoos Kav Tos Liv. Tab txawm cov Koom Haum thiab cov tim xyoob ywj pheej, tsis kav lawv muaj txoj hauj lwm thiab kev nyiam zoo ib yam. Li ntawd, Caritas Internationalis thiaj muaj hwj chim dua cov tub koom tes xws li : muaj hwj chim hauv kev teeb tsa thiab rho neeg tawm. Caritas ua hauj lwm mus raws kev pab cuam, ces Caritas Internationalis thiaj muaj lub Koom Haum Caritas ua qhov chaw tim ib hauv lub teb chaws. Thiab nws tuaj yeem faib ua tej pawg Caritas me me mus txog txhua lub zos.
Lub Koom Haum faib ua 7 xeev ntuj. Qee pab neeg hauv Caritas Internationalis taw mus rau cov hauj lwm pab zej zog nyob hauv lawv lub teb chaws. Lwm cov Koom Haum nyob sab xib fab ua hauj lwm thoob txhua lub teb chaws.
Nyias lub Koom Haum Caritas sib txawv nyias, txij lub Koom Haum me mus txog cov Koom Haum loj hauv lub teb chaws. Caritas ntau qhov chaw muaj feem txog kev sib koom tes ntawm cov teb chaws thiab pab tib neeg kev ncaj ncees tawm txawv teb chaws. Lawv ua cov hauj lwm kom haum rau zej zog, thiab txhim kho zej zog.
Caritas hauv zej zog ua hauj lwm raws li txhua yam hauj lwm ua tsim nyog ua.
