Muaj 1 plhom 500 txhiab tus neeg Thaib, siv tshuaj txhaum kev cai hauv xyoo 2024

Raws kev soj ntsuam nyob thoob ntiaj teb zaum kawg, pom tias kev siv tshuaj Methamphetamine uas tshwm sim no tsis yog raug rau yav qaum teb uas nyob ze Mias Mas teb xwb. Muaj cov neeg mus cim tshuaj thiab kho mob ntawm cov kws kho mob coob txog 30,000 leej. Raws pab neeg txwv tshuaj txhaum kev cai nyob Thaib teb hais tias : kev loj hlob thiab muaj ntau tshaj txhua yam, yog kev siv tshuaj txhaum kev cai nyob hauv lub teb chaws. Tshwj xeeb tshaj yog hom tshuaj Methamphetamine, muaj neeg siv los yog haus coob li ntawm 1 plhom 500 txhiab leej. Cov neeg haus tshuaj yog cov hnub nyoog 12 xyoos txog 65 xyoos. 

Tshuaj ntsiav Methamphetamine, yog hom tshuaj uas neeg siv ntau tshaj thiab ua teeb meem rau zej zog heev tshaj. Dhau ntawm tshuaj nees lawm, txuas los mas yog tshuaj E, yaj yeeb thiab yeeb dawb. Cov neeg mus nce npe muaj li ntawm 21,000 leej, thiab yog cov haus ntau hom tshuaj. Cov neeg no yog cov txaus txhawj thiab muaj teeb meem tshaj, ces lawv yuav tau txais kev pab kom tsim nyog.