Muaj 200 tus tub ntxhais hluas ua hauj sam rau hnub Buddhist holy day nyob Khas Phus Chas teb
Muaj cov tub ntxhais hluas li ntawm 200 leej tau ua hauj sam thiab ua poj hauj sam nyob Khas Phus Chas xib fab paj hauv hnub Visak Bochea – a holy day. Yog hnub ntshiab huv nco txog hnub tus tsim kev teev hawm Phus Thas yug los.
Cov teev hawm Phus Thas lawv nyiam ua hauj sam thiab poj hauj sam rau hnub Buddhist holy day, vim yog lub caij ua hauj sam luv luv. Cov tub ntxhais hluas uas lawv ua hauj sam no, mas lawv ua nyob hauv lub xeev Battambang thiab ua 8 hnub xwb. Lawv yuav cog lus siab nyob hauv kev tswj tus kheej kom nyob twj ywm thiab kawm kom paub txog kev ua lub neej, kom muaj txiaj ntsim qab hau rau siab ntsws.
Kev ua hauj sam lub hom phiaj, yog ua kom kev teev hawm Phus Thas yog tus cag ruaj khov rau cov tub ntxhais hluas, vim nyob Khas Phus Chas teb pom tias kev teev hawm Phus Thas yog cov laus ntau xwb. Tus hauj sam Venerable Tuy Sokhim uas nws yog tus thawj tswj lub tsev teev hawm Wat Sorya Ream nyob Battambang hais cov lus no. Txij xyoo 2016 los, cov hauj sam nyob hauv lub Wat Sorya Ream txais cov tub ntxhais hluas ua hauj sam ntau pua leej nyob hauv txhua txhua xyoo.
