Muaj kev sib ntaus sib tua nyob Myawaddy ze ciam teb, thaum tus pwm tsav txawv teb chaws mus tsham lub nroog Maesot

Thaib tus thawj pwm tsav Sretta Thavisin tsis mus tsham lub nroog Maesod lawm, nws tau tsa ib pab kav xwm ua cov mus saib txog tej xwm txheej ntawd nyob hauv lub lis piam tag los. Cov neeg thoj nam Myanmar tseem niaj hnub khiav tuaj rau Thaib teb ntau txhiab leej. Tom qab uas tseem hwv cov tub rog swb rog nyob Myawaddy, mas tseem hwv tau siv dav hlau tso hoob pob heev kawg nyob nruab ntug.

Tom qab Asian tham kev thaj yeeb tsis tiav nyob Myanmar teb ntau zaus, mas tseem hwv Thaib tau tiv thaiv tus ciam teb zoo kawg, vim yuav muaj cog neeg Myanmar khiav ua thoj nam nkag Thaib teb coob heev. Cov tub rog KNA tau ntau rog yeej lub nroog Myawaddy uas nyob ze lub nroog Maesod, nyob Thaib teb. Ces ua rau cov tseem hwv Myanmar chim siab thiab lawv siv dav hlau pov hoob pob ua lwj liam raws tus ciam teb.