Qhov phem tshaj zaum kawg nyob Nyab Laj, ua kom muaj kev sib cav sib ceg txog suab npe thiab kev ncaj ncees

Kev ntes 3 tus neeg Nyab Laj uas muaj suab npe, ua kom muaj lus nug hais txog kev cai dab qhuas thiab kev vam meej ntau dua qhov tseeb. Nyob hauv ib lub hlis dhau los, cov tub xov xwm thiab cov neeg nyob Online ntawm Nyab Laj, puav leej xyav moo txog kev puas koob ntawm 3 tus neeg muaj suab nto npe.

Vo Thi Ngoc Ngan los yog sawv daws paub nws hauv lub npe “Ngan 98” uas nws yog DJ thiab yog tus neeg muaj neeg nyiam tshaj nyob Online, thiab muaj ntau plhom tus neeg raws qab. Nws yog tus neeg uas sawv daws paub los ntawm Lifestyle thiab tej yam nws tso tawm uas neeg sib cav txog. Nws raug ntes hauv kev iab liam tias nws muag cov tshuaj yuag cuav thiab cov collagen uas tsis tau tso lus kheev.

Hoang Thi Huong uas nws yog tus thawj coj ntawm pab neeg “Hoang Huong”, tau tsim cov tsev ua zoo nkauj thiab cov tshuaj noj kom yuag zoo nkauj. Nws raug ntes nyob hauv lub hlis no thiab raug liam tias muaj cov ntawv rho nyiaj cuav, zam se rau cov neeg yuav.

Nguyen Hoa Binh los yog sawv daws paub nws hauv lub npe “Shark Binh”. Nws nto npe thoob teb chaws tias yog tus muag Technology nrov heev. Tab sis cov tub ceev xwm tshuaj xwm pom tias nws txuas nrog kev nyiag nqis peev thiab muaj nyiaj ntau txawv txav. Ua rau tus txiv neej uas luag tej qhuas tias nws yog los pav hauv kev lag luam Digital nyob Nyab Laj teb, lub suab npe poob tas.