Tom qab tus thawj coj raug ntiab tawm, mas cov Montagnard thoj nam nyob Bangkok poob nyob hauv txoj kev tsis ruaj ntseg
Tab txawm UNHCR txais cov Montagnard thoj nam raug cai, tsis kav lub tsev txiav txim tso lus kheev txais kev xa neeg rov qab ntawm Y Quynh Bdap nyob Hanoi. Tus tub thov kev ncaj ncees no tau cev ib tsab ntawv thiab thov rov ua neeg thoj nam rau tus tiam lis Kas Nas Das. Vim Thaib teb txoj cai tsis meej tseeb txog kev qhib qhov rooj txais neeg thoj nam nyob ib ntus, thiab tsis tau cog lus hauv lub Leej Haum Kuj. Ces thiaj yog qhov tsis muaj kev tso siab thiab tsis tseeb tiag.
Tsis pes tsawg hnub dhau los no, cov tseem hwv Thaib txiav txim siab ntiab Y Quynh Bdap uas nws yog ib tug tub thov kev ncaj ncees rau cov haiv neeg tsawg nyob hauv nws lub teb chaws. Y Quynh Bdap yog ib tug neeg Nyab Laj. Nws tsa lub Koom Haum Montagnard Stand for Justice uas ua cov hauj lwm hais txog tseem hwv Nyab Laj ua nruj rau cov kev teev hawm thiab kev thaj yeeb nyob hauv lub Leej Haum Kuj.
Y Quynh Bdap pib nyob Thaib teb txij xyoo 2018 los lawm. Nws tau txais kev lees txais ntawm lub Leej Haum Kuj kheev nws nyob Thaib teb. Yog tias nws raug ntiab tawm tiag tiag, mas nws yuav raug txim kaw nkuaj 10 xyoo. Nws raug lub txim tias nyiag tsim kev kub ntxhov nyob Nyab Laj teb hauv lub 1 hlis. Lub tsev txiav tsim nyob Bangkok zeem tseeb txog tsab ntawv thov xa neeg raug txim rov tuaj ntawm Hanoi tuaj. Luag liam tias nws muaj feem cuam txog kev tua cov tub ceev xwm lub tsev nyob Nyab Laj nruab nrab teb, uas yog qhov chaw muaj cov haiv neeg tsawg nyob li ntawm 30 pab neeg. Lawv hu cov neeg ntawd ua neeg Montagnard los yog neeg toj siab.
Ua ntej hnub tim 1 lub 10 xyoo no, uas yog hnub ua ntej yuav txiav txim. Tus tub thov kev ncaj ncees ntawd tau mus ntsib Kas Nas Das tus tiam lis. Nws cev ib tsab ntawv thov nyob ua neeg thoj nam rau tus tiam lis. Nws vam thiab cia siab tias yuav muaj txoj kev zoo rau nws tawm ntawm cov teeb meem no. Thiab thov kom rov qab xav txog kev xa cov neeg thoj nam rov qab, vim nws yog qhov hla tib neeg kev ncaj ncees.
