Trump kev nce se ua teeb meem loj kawg rau cov tub zog poj niam nyob Xis Laas Kas

Yog tus se txais khoom nkag teb chaws 44 feem pua, tom qab tsis ua hauj lwm 90 hnub. Cov tub zog poj niam 1 plhom tawm leej yuav poob nyob hauv kev txhawj xeeb kub ntxhov. Cov kws txawj ntse hais tias tus se ntawm cov khoom nkag teb chaws no, yuav ua rau kev xa tawm mus rau As Mes Lis Kas teb nqes li ntawm 20 feem pua. Yuav ua kev poob peev ib xyoos ze ntawm 300 plhom US dos las. 

Cov poj niam 1 plhom tawm leej hauv cov hauj lwm xa tawm, yuav poob hauj lwm thiab khwv tsis tau nyiaj. Yog tias tus se txais khoom nkag teb chaws siab txog 44 feem pua raws li tus Txoov Tim Tswv Trump teeb tseg nyob hauv 90 hnub. 

Cov tuam tsev loj uas xa tawm nyob Xis Laas Kas, xws li khaub ncaws hnav, tshuaj yej, hlaws npliag deg, roj hmab thiab tej txuj lom uas feem ntau yog cov tub zog poj niam ua. Yuav raug xwv txheej loj hauv kev nce se ntawm tej khoom txais nkag teb chaws, vim As Mes Lis Kas cov kiab khw yog ib lub kiab khw tau nyiaj tshaj plaws. 

Cov tub zog poj niam kiam cov tseem hwv tias “Muaj tus cuj pwm ntsiag to” thiab tsis xav txog kev txhawj xeeb natwm cov tub zog thiab lub Koom Haum tub zog. Vim cov sawv cev tsoom tub zog tsis raug hu kom mus koom sab laj tuav xam hais txog tus se uas xa tawm hauv lub teb chaws li 40 feem pua. Thiab nws tseem ceeb heev rau kev lag luam hauv lub teb chaws. Dhau no lawm, cov tuam tsev kuj ntiav cov poj niam nyob toj siab uas yog tus nqi zog qes ntau dua. Cov hauj lwm no yog qhov tseem ceeb yuav ua kom lawv dim ntawm kev pluag txom nyem.