Tseem hwv Mias Mas rov qab siv dav hlau tua tsoom pej xeem , ua ntej yuav txog kev xaiv tsa cuav

Fortify Rights tshaj tias : cov tseem hwv Mias Mas tau txhab kev sib tua nyob saum nruab ntug nrog cov pej xeem nyob hauv lub xeev Karenni, ua ntej yuav muaj kev xaiv tsa cuav. Lawv lub hom phiaj yog cov tsev kawm ntawv, cov tsev kho mob, cov tsev teev Ntuj thiab cov yeej thoj nam.

Raws kev soj ntsuam, pab neeg saib xyuas kev ncaj ncees hais tias : cov tub rog pib siv dav hlau tua yam lim hiam kawg thiab txhaum txoj cai pej xeem. Lawv tua cov thaj tsam txuag pov hwm thiab cov thaj tsam uas muaj tsoom pej xeem nyob txij lub 6 hli txog lub 9 hlis xyoo no. Tsoom pej xeem tuag 55 leeg thiab raug mob tshaj 40 leej, los ntawm kev siv dav hlau tua 12 zaug raws li sau cim tseg. Kev npaj ntawm Tseem hwv Mias Mas rau txiaj ntsim qab hau kev tseev tsim thiab cov tub rog, yog tua tsoom pej xeem kom tuag coob tshaj thiab tua cov thaj tsam tseem ceeb, xws li cov tsev kho mob thiab tsev kawm ntawv ua ntej yuav txog kev xaiv tsa cuav. Sai Arkar tus neeg txuag tib neeg kev ncaj ncees ntawm Fortify Rights hais cov lus no.