Tsov rog nyob Rakhine uas tsis muaj tag thiab kev kub ntxhov ntawm cov Rohingya uas tsis tau muaj kev daws kho

Kev pov hoob pob tseem muaj tsis tseg nyob hauv cov xeev sab hnub poob nyob Mias Mas teb. Yog qhov tseem ceeb hauv kev chim siab nrog cov haiv neeg tsawg Mawv Xis Lim los ntev lawm. Cov tub rog Arakan kav tas cov thaj tsam feem ntau nyob hauv thaj tsam no. Tab sis teeb meem ntawm cov Rohingya tsis tau daws ib qho li. 

Cov neeg no tseem yog lub hom phiaj ntawm 3 pab neeg uas sib txeeb dej av. Npees Las Des teb maj mam nrhiav kev pab txhawb nqa los ntawm Suav teb, kom teeb tsa ib lub xeev ywj pheej. Tab sis kev muab siab rau no tsis muaj qab hau thiab tsis hnov ntab ntws dab tsi li.

Cov tub rog Mias Mas tseem niaj hnub pov hoob pob tua tsoom pej xeem nyob thoob Mias Mas teb. Dhau ntawm kev tua ib lub tsev kawm ntawv, thiab ua rau neeg tuag 25 leeg uas feem coob yog cov me nyuam yaus. Cov tub rog tseem siv dav hlau tua lub zos Tun Yawai nyob Rathedaung thiab, ua rau tsoom pej xeem tuag coob leej. Tab txawm muaj kev kub ntxhov fab tib neeg kev ncaj ncees hauv av qeeg tsis ntev los no, tsis kav kev sib ntaus sib tua kuj tseem muaj ntxiv tas zog. Tshwj xeeb tshaj yog nyob Kyaukphyu uas yog qhov chaw muaj zog ntawm lub xeev Rakhine. 

Cov tub rog Arakan tseem sib tua ntxiv mus thiab lawv tsis yog taw mus rau tseem hwv cov tub rog xwb, yog tas nrho tsoom pej xeem Rohingya huv si.

Cov Rohingya tsis yog nyob hauv 135 haiv neeg tsawg uas tau txais kev txuag pov  hwm raug cai nyob hauv tseem hwv Mias Mas txoj cai, ces thiaj ua rau lawv rais ua cov neeg tsis muaj chaw nyob. Yav tag los cov Rohingya feem coob yog nyob hauv lub xeev Rakhine uas nyob npuas Npees Las Des ciam teb.