”Kuv thov qhia kom pom txog kev hais lus zoo thaum sib ntsib, tab sis tom qab ntawd sib thuam sib hnyos hauv kev thaj yeeb thiab kev sim ua tsov rog. Nyob hauv qee lub teb chaws hais txog kev thaj yeeb ntau kawg. Kev nqis peev kom tau paj ntau yog kev tsim riam phom. Kev ua zoo ntawm xub ntiag, tab sis tom qab sib nyas sib rhuav kheev kheev coj neeg mus rau kev piam sij. Kev piam sij hauv kev ua kwv ua tij, kev puas tsuaj hauv kev thaj yeeb.”
Vaj Qhia Fas Ntshis Kus hais cov lus no hnub tim 25 lub 11 hlis xyoo tag los. Yog lub caij nco txog hnub txwm 40 xyoo ntawm As Zees Tis Nas thiab Sis Lis kev cog lus nyob thaj yeeb hauv ntu dej hiav txwv nqaim Beagle. Vaj Qhia cov lus rais ua qhov tu siab kawg nyob hauv cov lus tshaj tawm tsis ntev no. Cov tuam txhab riam phom tseem loj hlob thiab tau nyiaj txhab li 4 feem pua. Xyoo tas los yog 632 plhom US dos las, txhais tias txhab ntxiv li 19 feem pua txij xyoo 2015 los. Yog qhov txaus tu siab kawg hais txog kev muaj txhab ntxiv, xws li cov neeg tuag, cov neeg raug mob uas yog tub rog thiab pej xeem. Cov nroog raug tua puas ntsoog, cov neeg khiav ua thoj nam, cov hluas lub neej tom ntej uas ncaim tsev neeg thiab rhuav tshem txhua yam ib puag ncig. Tus Tswv Qhia nyob Los Mas hais txog “kev ua tsov rog” meej kawg. Thaum tsov rog raug saib xws li kev ua si, tsis hais fab kev tseev tsim los yog tub rog xav tias yog lub cim ntawm kev txaus siab uas yuav daws lub hauv paus sib tawg kom ploj mus.
Txoj kev xav li no, ua kom pom tias tsis muaj kev txaus siab yuav nkag siab txog tsov rog lub hom phiaj kom tau nrhiav kev daws teeb meem. Yog lub Cim qhia tias qhov muaj nqis ntawm kev thaj yeeb, qhov tseem ceeb hauv kev sib hais haum thiab cov lus sib tham yuav daws teeb ntawd raug hnov qab mus lawm.
