Live Arena uas nyob Mos Xaws Kos Vas los yog Moscow, yog tus tswv cuab ntawm kev sib tw hu nkauj “Intervidinie” zaum kawg nkaus. Yog kev sib tw uas coj tas cov teb chaws nyob Aws Los Pas sab hnub tuaj los sib sau ua ke nyob Soviet, thaum Soviet tseem tsis tau tawg ua ntau lub teb chaws. Kev sib tw no rov qab muaj dua, tom qab ib tug tub hu nkauj Lav Xias raug rho tawm hauv kev sib tw ntawm cov teb chaws sab hnub poob, vim kev tua rog nyob Us Khas Zis Nas teb. Kev sib tw hu nkauj no muaj cov tub hu nkauj tuaj ntawm 22 lub teb chaws tuaj sib sau ua ke.
Qhov kawg, Dyk Fuk uas yog rapper tuaj ntawm Nyab Laj teb tuaj yog tus yeej. Intervidenie thawj zaug, yog tsa nyob hauv xyoo 1965-1968 nyob Tses Kos Los Vas Kis teb. Yog tau txais kev txhawb nqa los ntawm lub Koom Haum xov tooj cua thiab tshooj TV txawv teb chaws los yog OIRT. Yog lub Koom Haum nyob Aws Los Pas sab hnub tuaj thiab yog kev xaiv ntawm zej zog los hloov Eurovisian. Nws muaj hwj chim hauv kev tseev tsim kawg. Tab txawm tias kev sib tw no tsis tau nrog cov neeg nto npe sib twv, tsis kav kuj ua kom pom txog “kev sib koom siab hauv tej kab lis kev cai” ntawm cov teb chaws Aws Los Pas sab hnub tuaj.
