Vaj Qhia Leo 14 thov kom muaj kev tiv thaiv, vim teeb meem AI lub tswv yim tsim tawm tab tom pauv ntxeev kev sib xa xov
Vaj Qhia Leo 14 ceeb toom tias lub tswv yim tsim tawm nws muaj qhov txaus ntshai uas yuav ua rau neeg lub meej mom puas tsuaj, kev sib xa xov tseeb tiag thiab kev cia siab ntawm tsoom pej xeem hauv cov ntsiab lus. Vaj Qhia cov lus hais tawm hauv hnub kev sib xa xov nyob ntiaj teb zaum tim 60.
Vaj Qhia thov kom muaj kev tiv thaiv zoo, kom ntseeg tias Technology yuav ua hauj lwm rau tib neeg thiab tsis ua tej yam tsis meej tseeb rau tib neeg kev sib raug zoo thiab qhov tseeb. Hauv tsab ntawv uas tshaj tawm hnub tim 24 lub 1 hlis, Vaj Qhia hais tias “Digital hloov lub suab thiab tib neeg lub ntsej muag, ua kom muaj kev txhawj xeeb hauv kev ncaj ncees thiab zej zog heev kawg. Tshwj xeeb tshaj yog kev sau xov xwm thiab pej xeem kev sib tham.”
“Lub ntsej muag thiab lub suab yog lub meej mom”.
Vaj Qhia piav tias tej yam no yog kev ua tawm txog qhov tseem ceeb ntawm tus neeg raug tsim tawm raws li Tswv Ntuj lub npe thiab tus duab. Kev tiv thaiv tej yam no, yog hais txog kev txuag pov hwm. Yog daim duab rhuav tshem tsis tau ntawm Tswv Ntuj txoj kev nyiam kev hlub. Vaj Qhia hais ntxiv tias kev txhim kho ntawm AI lub tswv yim tsim tawm ua kom muaj kev txhawj xeeb. Tsis yog fab Technology, tab sis yog kev kawm txog tib neeg. Nws hais tias tej cuab yeej Digital tsis muaj kev saib xyuas zoo, ces nws yuav rhuav tshem kev sib xa xov thiab tib neeg kev sib raug zoo tau.
