Cov kws txawj ntse fab kev xa xov Kas Tos Liv neeg Fis Lis Pees hais tias ; Social Media yuav ua kom ib tsoom neeg mus rau kev sib raug zoo tseeb tiag.
Mabanta-Fenomeno tau hais tias : “Platform digital yuav pab neeg tsis yog tias ua kom tau saib cov ntsiab lus xwb, tab sis tuaj yeem txhim kho, muaj feem cuam thiab sib pauv tswv yim thiab.” Txawm li cas kuj xij, nws hais txog kev xa xov hauv Online muaj txiaj ntsim qab hau, yog thaum nws txhawb neeg lub meej mom, txhawb kev ncaj ncees hauv zej zog tiag tiag thiab txhawb txiaj ntsim qab hau ua ke. Nws hais tias : “Social Media yuav ua qhov chaw pib, tsis yog lub hom phiaj tom ntej.” Thiab muab cov ntsiab lus luv luv los piv zoo li cov txhiam xws noj uas yuav ua kom muaj kev sib koom ntau dua qub. Mabanta-Fenomeno hais tias : “Kev vam txog cov ntsiab lus digital uas hloov mus sai, tej zaum yuav ua kom mus txog tej kab lis kev cai yooj yim, kub siab lug thiab yuam kev sai.” Nws txhawb nqa kom cov sau ntsiab lus thiab cov neeg saib los mloog hla dhau tej kev no mus rau kev sib tham tseem ceeb thiab kev sib tham hauv lub neej tiag tiag. Hais txog cov neeg sau xov xwm ntawm lub Koom Txoos thiab cov tub ntxhais hluas, mas nws hais tias kev ua pov thawj hauv digital tseeb tiag ntawd, yuav vam txog kev tshaj xo uas muaj kev saib xyuas ntau dua qhov ua kom muaj neeg saib coob, raws qab coob los yog sau ntsiab lus kom neeg nyiam. Nws thov kom cov tub tshaj xo Online ua lub suab rau cov neeg tsis muaj suab. Ua cov txhawb nqa kev pauv ntxeev thiab ua cov piav zaj uas muaj lub hom phiaj meej tseeb hauv kev hais txog cov neeg pluag txom nyem, kev txhawj xeeb tsis ncaj ncees, thiab txuag lub meej mom hauv kev ua neeg. Nws hais ntxiv tias : “Kev tshaj xo yog ntau dua kev ua tawm tus kheej, thiab nws yog cov hauj lwm txhawb nqa qhov tseeb, kev ncaj ncees, kev thaj yeeb thiab kev zoo hauv Tswv Ntuj kev tsim tawm.” Nws thov kom tawm los ntawm qhov nruab nrab, thiab txhawb nqa kom cov tub tshaj Ntuj Lus Online piav cov zaj uas hais txog Tswv Ntuj kev nyob, tsis hais hauv tej kev paub los yog hauv lub neej niaj hnub. Nws hais tias : “Txhob zoo siab rau kev sau cov ntsiab lus kom luag qhuas thiab npuaj teg. Tab sis cov tub xov xwm Kav Tos Liv yuav siv nyias tej kev txawj ntse los ua kom ib tsoom neeg nyob As Xias tau pom Tswv Ntuj lub ntsej muag muaj txoj sia.” Mabanta-Fenomeno yog tus thawj tswj ntawm SIGNIS Fis Lis Pees thiab yog tus kav xwm uas raug xaiv tsa los ntawm SIGNIS Asia. Nws cov lus yog hais ua ntej yuav muaj lub rooj sau siab cov tub tshaj Ntuj Lus Online nyob As Xias.
