Cov Leej Phauj Is Ntias ua kom pom txog lub tswv yim kev ua tus coj hauv lub pwm tsav, uas yog lees paub lees txais thiab kev ua hauj lwm ua ke.
Hauv kev sau sib 5 hnub sib law nyob Nyus Des Lis, raws li Catholic Connect tshaj tawm. Kev sau siab yog npaj nyob hauv hnub tim 27 txog hnub tim 31 lub 10 hli tas los, nyob hauv CRI lub tsev hauv lub ntsiab lus tias : “Lub Koom Txoos ntawm pab pawg Synodal thiab kev ua tus coj.”
Tau sau tas cov Leej Phauj tuaj sib sau ua ke kom pom txog lub tswv yim hauv kev ua tus coj thiab kev ua hauj lwm ntau dua lub hwj chim. Leej Phauj Inigo uas yog tus coj kev sau siab tau hais txog kev tuav xam ua ke, kev sib hwm, kev lees paub lees txais thiab kev muaj feem cuam hauv lub Koom Txoos cov hauj lwm. Cov tuaj sib koom sau siab tau soj ntsuam tias kev ua tus coj hauv Synodal, yog txhawb nqa kev sib koom tes, hwm kev sib txawv thiab pub caij nyoog rau txhua tus. Tshwj xeeb tshaj yog cov neeg tsis muaj lub zoo caij lub suab, kom tau muaj feem cuam hauv kev txiav txim siab li cas. Yog vam txog tus ntsuj plig ntawm lub Koom Haum uas cog nyob hauv kev nyiam kev hlub, thiab Leej Pleev tus raug ntsia saum Ntoo Cuam txoj kev khuv leej. Kev sau siab no tau hais txog kev teev Ntuj, kev ncaj ncees, kev ntseeg siab thiab kev ua tus coj uas yog tus piv txwv zoo. Kev sib sau siab zaum no tseem txhawb kom cov tuaj sib koom sau siab, ua tej yam zoo pauj tej kev txhawj xeeb uas tshwm sim tshiab. Ua ke ntawd kuj ruaj nreb hauv nyias txoj kev ntseeg uas cog lus cia. Leej Phauj Valsa uas nws yog tus thawj coj cov Leej Phauj nyob Ireland, tau hais lus ua Leej Phauj Inigo tsaug uas tau pub chaw tsa lub rooj sau siab thiab ua tsaug rau CRI House cov neeg ua hauj lwm. Uas lawv tau pab kom lub rooj sau siab mus tau zoo hauv kev muab siab rau txhawb nqa kev ua tus coj. Tsim kev sib raug zoo thiab txhawb nqa kev lees paub lees txais ua ke hauv zej zog thiab kev tshaj lub Moo Zoo.
