Cov nyiaj xa tuaj ntawm txawv teb chaws poob qis kawg, tom qab cov tub zog Khas Phus Chas rov ntawm Thaib teb mus.
Xov Xwm Hnub tim 5 lub 5 hlis 2026
Cov nyiaj xa tuaj ntawm txawv teb chaws poob qis kawg, tom qab cov tub zog Khas Phus Chas rov ntawm Thaib teb mus.
Raws kev tshaj tawm ntawm Khas Phus Chas lub tuam txhab ceev nyiaj, mas pom tias : kev rov qab mus Khas Phus Chas teb ntawm 900,000 tus tub zog, ua rau cov nyiaj xa txawv teb chaws mus rau Khas Phus Chas teb tsawg lawm 20 feem pua. Cov xwm txheej no tab tom ua teeb meem fab nyiaj txiag rau cov yim neeg thiab yog qhov quab yuam cov tub zog hauv lub teb chaws heev kawg. Tsis tas li ntawd, kev xyav moo txog cov tseem hwv thiab kev tsis sib haum xeeb ntawm Thaib ciam teb tseem muaj ntxiv mus. Muab hais los mas cov nyiaj uas cov tub zog Khas Phus Chas xa rov mus rau Khas Phus Chas teb, mas Thaib teb yog 77 feem pua. Ces tam sim no cov nyiaj uas xa ntawm Thaib teb mus rau Khas Phus Chas teb tsuas tshuav 28 feem pua xwb.
Kev xa nyiaj tuaj ntawm Kos Lim Naj kuj ib yam. Tsuas tshuav 15 feem pua xwb, vim kev cheb ntxuav kev ntxias dag nyob Online mus txog kev ntes neeg xa rov qab mus lawv teb chaws ntau zaus. Txij lub 7 hli txog lub 12 hlis xyoo 2025, mas muaj 900,000 tus tub zog rov ntawm Thaib teb mus Khas Phus Chas teb. Ua rau kev muas toob xib ntawm cov yim neeg tsawg dua qub. Tam sim no teeb meem tseem txhab tas zog los ntawm cov roj a hauv tsov rog nyob As Xias Nrab thiab.
