Dej nyab rov nyab Mymensingh : Caritas thiab Niam Mab Liab cov tub txib coj kev pab mus rau lawv
Lub caij nag xob nag cua tab tom yuav xaus, ces dej rov nyab loj kawg nyob Npees Las Des qaum teb xws li lub 8 hli tag los. Huab cua pauv ntxeev, ua kev kub ntxhov loj kawg. Dej rov nyab dua tshiab thiab ua kev piam sij loj kawg rau Npees Las Des teb. Cov thaj tsam raug dej nyab uas nyob deb tsis tuaj yeej nkag tau mus txog.
Leej Phauj Rony Gomes hais tias : “Txhua yam tsis muaj kev ncaj ncees.” Vim tsis muaj txhiam xws noj. Muaj 1,474 tsev neeg uas lawv tau txais kev pab los ntawm lub Koom Haum neeg ntseeg. Txij hnub tim 6 lub 10 hli no, hauv lub nroog Mymensingh, lub nroog Sherpur thiab lub nroog Netrokona uas nyob Npees Las Des qaum teb raug kev piam sij loj kawg. Tsoom pej xeem uas raug kev kub ntxhov zaum no yog 238,000 leej.
Qhov no yog ib txaus tu siab ntawm lub caij ntuj nag yuav xaus. Thaum lub 8 hli, muaj dej nyab loj thiab ua kev piam sij rau cov thaj tsam uas muaj tsoom pej xeem nyob li ntawm 5 plhom 400 tawm txhiab leej. Muaj ib plhom lub tsev raug dej nyab nyob hauv qab thu dej. Ua rau neeg tuag 52 leeg nyob hauv 2-3 lub lis piam tag los no.
Muaj kev nqua hu kom muab siab rau tiv thaiv thiab lees txais kev piam sij ntawm huav cua pauv ntxeev. Caritas Npees Las Des thiab Missionaries of the Immaculate (Pime Sisters) koom nrog lub Cheeb Koom Txoos Mysensingh tab tom cev tes pab cov neeg raug kev kub ntxhov. Tam sim no muaj 1,474 yim neeg tau txais kev pab los ntawm cov Koom Haum. Lawv tau txais txhiam xws noj, txhuv, taum thiab tej yam cheem tsum xws li tswm ciab thiab teeb ntais.
