Es Kuas Dos teb: Ntoo Cuam vau los ntaus ib tug Txiv Plig taub hau tuag nyob Es Kuas Dos teb. Yog qhov txaus tu siab kawg.
Lub Cheeb Koom Txoos Guayaquil uas nyob npuas ntug hiav txwv thiab nyob nrug deb lub tuam ceeb Quito xib fab naj li 265 kis los mev tshaj tias: “Tus Txiv Plig uas tuag ntawd hu ua Patriceo Alfredo Sanchez. Nws yog ib tug Txiv Plig nyob hauv lub Koom Haum Tus Cawm Seej. Yog lub Koom Haum cov Txiv Plig Roman Catholic uas teeb tsa nyob hauv xyoo 1732, thiab lawv tau tshaj Ntuj Lus nyob hauv 80 lub teb chaws nyob thoob ntiaj teb.”
Thaum pib ua thaj txi Ntuj ntev li 27 feeb, thiab Txiv Plig Sanchez sawv ntsug nyob ntawm lub thaj txi Ntuj, mas nyob nyob tus Ntoo Cuam loj uas dai ntawm sab phab ntsa nram qab cia li plam thiab vau los ntaus Txiv Plig Sanchez taub hau tam sid. Ua rau cov neeg ntseeg ceeb loj kawg, lawv qw nrov nrov mus pab nws thiab hu tsheb tuaj thauj mus tsev kho mob, tab sis Txiv Plig Sanchez twb tuag lawm. Yog ib qhov xwm txheej uas tsis muaj leej twg paub txog thiab tsis xav tias yuav tshwm sim tau. Ntawv xov xwm tshaj tias: “Ua ntej ntawd Txiv Plig Sanchez tau hais ib lo lus nthuav ntawv Moo Zoo tias: ‘Kwv tij zoo nyiad ! Muaj ib hnub twg peb sawv daws uas nyob ntawm no kuj yuav tuag mus.” Cov xwm no tshwm sim tom qab Txiv Plig hais lo lus ntawd tas tsis ntev. Tam sim no cov tseem hwv thiab cov nom tswv hauv zej zog tseem tsis tau hais dab tsi meej tseeb txog qhov xwm txheej uas tshwm sim no.
