Holy See thov kom muaj kev txuag pov hwm cov pej xeem nyob hauv cov thaj tsam muaj kev kub ntxhov ntau dua qub

Vas Tis Kas cov neeg nyob hauv lub Leej Haum Kuj txhib txog qhov tsim nyog ntawm kev txuag tsoom pej xeem thiab tib neeg kev ncaj ncees nyob hauv cov thaj tsam muaj kev sib ntaus sib tua. 

Kev sib tham ntawm lub rooj pwm tsav kev ruaj ntseg nyob New York, tus Tswv Qhia Gabriele Caccia hais txog tsoom pej xeem raug tua thiab siv riam phom ywj siab nyob hauv cov thaj tsam neeg nyob coob. Tswv Qhia Caccia hais txog qhov tseeb uas tshwm sim phem heev nyob hauv tiam tsov rog, tsis muaj ib qho chaw twg thaj yeeb rau tsoom pej xeem kev nyob, xws li cov tsev kawm ntawv, cov tsev kho mob thiab cov tsev tu cov neeg laus. Tas cov tsev li hais no poob ua lub hom phiaj ntawm kev sib ntaus sib tua. Dhau no lawm, nws tseem hais txog teeb meem lub zog hoob pob thiab lwm hom hoob pob uas muaj neeg pov nyob hauv tej qhov chaw neeg nyob coob coob. Thiab nws qhuas txog lub Leej Haum Kuj txoj kev muab siab rau cheem kev pov hoob pob.