Kos Lim Naj tau txoj cai txhawb nqa cov tub ntxhais hluas hnub nyob ntiaj teb, nyob tuam ceeb Xes Us.
Txoj cai no tau txais lus pom zoo los ntawm cov nom tswv nyob Xes Us hnub tim 24 lub 6 hli 2026. Kom muaj kev sib koom tes ntawm cov tseem hwv nyob Xes Us, lub pwm tsav kev kawm nyob Xes Us, lub Koom Txoos Kav Tos Liv thiab nrog rau lwm cov Koom Haum. Hauv tej yam tseem ceeb xws li, chaw nyob chaw pw, kev thauj toob xib thauj neeg, kev nyab xeeb, kev kho mob, kev siv tsev dej tsev plob, kev nrhiav neeg pab thiab npaj tej chaw hauv cov tsev kawm ntawv tos txais cov neeg tuaj tawm rooj fiv Ntuj. Txoj cai no txhib cov nom tswv nyob Xes Us kom muaj kev txhim kho thiab kev txhawb nqa txhij txhua. Nrog rau kev tiv thaiv tej xwm txheej ntuj tsim, kev npaj tej pab neeg, kev ncig tsham, kab lis kev cai thiab kev siv tej chaw tom qab hnub tseem ceeb dhau mus lawm. Txhua lub tsev thiab txhua thaj tsam hauv cov tsev kawm ntawv yuav raug muab los siv ua chaw tos txais qhua.
Txiv Plig Lee Young-je uas nws yog tus thawj coj fab kev npaj hauj lwm ntawm cov kav xwm hauv zej zog, zoo siab txog kev ua cov hauj lwm no. Nws hais tias cov hauj lwm no yog lub hauv paus ntawm kev tseev tsim thiab kev ua tej hauj lwm tseem ceeb rau cov tub ntxhais hluas hnub kom tiav. Yog qhov yuav txhawb nqa kev sib koom tes ntawm lub Koom Txoos thiab cov tseem hwv. Vam tias lub tuam ceeb Xes Us yuav tau tos txais cov tub ntxhais hluas tuaj ntawm 190 lub teb chaws tuaj, coob li ntawm 2 plhom leej. Hais txog cov tub ntxhais hluas hnub nyob ntiaj teb, uas yog hnub tim 3 txog tim 8 lub 8 hli xyoo 2027, mas Vaj Qhia Leo 14 yuav mus koom thiab.
