Leej Phauj Mab Liab Clare ntawm Huab Tais 3 Leeg thiab Niam Mab Liab lub siab.
Leej Phauj Mab Liab Clare ntawm Huab Tais 3 Leeg thiab Niam Mab Liab lub siab.
Leej Phauj Clare yug hnub tim 14 lub 11 hlis xyoo 1982, nyob hauv lub nroog Derry uas nyob Ireland qaum teb. Hnub tim 11 lub 8 hli xyoo 2001, nws pib mus kawm ua Leej Phauj nyob hauv lub Koom Haum Leej Niam Lub Tsev. Thaum nws muaj 18 xyoo, nws cog lus ua Leej Phauj thawj zaug hnub tim 18 lub 2 hlis xyoo 2006. Nws siv lub npe hauv kev ntseeg hu ua Leej Phauj Mab Liab Clare, ntawm Huab Tais 3 Leeg thiab Niam Mab Liab lub siab. Nws cog lus ua Leej Phauj mus tag ib sim neej hnub tim 8 lub 9 hlis 2010. Txij thaum nws cog lus thawj zaug, nws tau nrog cov Leej Phauj ua hauj lwm hauv lub nroog Belmonte thiab lub nroog Cuenca uas nyob Xyis Pas Yas teb los yog teb chaws Spain. Nws tseem ua hauj lwm nyob hauv ntau qhov chaw, xws li ua hauj lwm nyob hauv lub nroog Jacksonville, xeev Florida nyob As Mes Lis Kas teb. Ua hauj lwm hauv lub nroog Valencia, nyob Xyis Pas Yas teb. Ua hauj lwm hauv lub nroog Guayaquil, nyob Es Kuas Dos teb. Thiab ua hauj lwm nyob hauv lub nroog Playa Prieta thiab Manabí nyob Es Kuas Dos. Hnub tim 16 lub 4 hlis xyoo 2016, nws tuag thaum av qeeg nyob hauv lub nroog Playa Prieta.
Leej Phauj Clare yug nyob hauv ib tsev neeg Kas Tos Liv, nws tau txais lub Cim Ntxuav hauv kev pib ua neeg ntseeg. Tab sis thaum nws tseem yog me nyuam ntxhais hluas, nws tsis tau mus teev Ntuj kiag li.
Thaum txog lub Lis Piam Ntshiab xyoo 2000, nws muaj 17 xyoo lawm. Nws tau mus txog ntawm Leej Niam Lub Tsev. Nws zoo siab thiab ntsia lub ntiaj teb mus rau qhov zoo. Nws tab tom nrhiav duab tshav ntuj thiab koom ib rooj mov nyob Xyis Pas Yas teb. Nws pom tias nws nyob nruab nrab hauv ib pab neeg uas tab tom tsuj xeeb Yes Xus txoj kev txom nyem, kev tuag thiab kev sawv rov los yam lom zem xauv npo, tab sis ntawd tsis yog qhov nws cia siab.
Txij thaum yau los nws ib txwm npau suav xav ua cov tub ntxhais ua yeeb yaj duab. Nws tau muab siab rau kawg nkaus, kom nws lub hom phiaj tiav. Nws paub tias nws muaj ntau yam zoo tsim nyog ua tau, xws li txoj hmoo hauv kev kos duab, nws muaj lub suab zoo, muaj lub cev ntaj ntsug ntxim nyiam, thiab nws tus yam ntxwv zoo heev. Thaum nws muaj 15 xyoos, nws raug teeb tsa ua tus hais lus ntawm cov tub ntxhais hluas nyob hauv lub tshaj xyam tshooj 4, uas yog ib tshooj TV loj nyob Aas Kiv teb. Thaum nws muaj 17 xyoo, As Mes Lis Kas tshooj TV Nickelodeon qhuas thiab nyiam nws kawg. Nws siv sij hawm hauv thawj lub Lis Piam Ntshiab mus pw ziab tshav thiab haus luam yeeb. Hnub Rau Ntshiab, muaj neeg hais rau nws tias :
“Clare, hnub no koj yuav tsum mus tsev teev Ntuj nawb ! Vim yog Hnub Rau Ntshiab.” Tas cov neeg ntseeg hwm thiab hnia Ntoo Cuam, ces Clare kuj mus koom thiab. Nws yog qhov yooj yim, thiab yog qhov pib hloov nws lub neej.
Thaum xaus cov kab ke, muaj ib tug Leej Phauj pom nws quaj thiab hais tias :
“Yes Xus tuag vim kuv thiab Yes Xus hlub kuv. Ua cas tsis muaj leej twg qhia kuv paub dua li.” Clare paub tias Yes Xus hlub nws npaum cas thiab Yes Xus tau ua rau nws npaum cas. Nws nkag siab tias : “Kev nyiam kev hlub yuav tsum yog tau txais kev pauj los ntawm kev nyiam kev hlub xwb.”
Thiab kev nyiam kev hlub uas Tswv Ntuj thov ntawm nws, yog hais txog kev muab tas txhua yam los cev rau Tswv Ntuj. Kev tshais ruam mus, tsis yog qhov yooj yim. Thaum nws rov mus Ireland, nws tau koom kev ua yeeb yam uas yog ib tug nyob hauv zaj yeeb yaj duab. Nws raug ua tus nyob hauv txoj kev tshee, txaj muag thiab kev txhaum uas zaj yeeb yaj duab muab rau nws. Txawm li cas kuj xij, Tswv Ntuj zeem tseeb tias yuav raws nws. Muaj ib hmos nyob hauv rooj mov lom zem, nws haus cawv ntau heev. Thaum nws mus ntuav nyob hauv chav tsev dej, nws hnov zoo li Yes Xus hais lus rau nws tias : “Vim li cas koj thiaj tsim txom kuv ?” Tswv Ntuj nrog nraim nws, ua rau nws nyob tsis taus. Tom qab ntawd tsis ntev, thaum nws nyob hauv ib kem tsev hauv ib lub tsev txais qhua nyob London. Nws tab tom nyeem ntawv. Cov lus nws tsev neeg thov thiab cov lus cog ntawm tus thawj tswj kuj cheem tsis tau nws.
Hnub tim 11 lub 8 hli 2001, nws tau muab tus kheej cev rau Tswv Ntuj uas yog ua Leej Phauj nyob hauv pab Leej Phauj Leej Niam Lub Tsev. Tom qab nws xyaum ua Leej Phauj ntau xyoo, nws tau cog lus thawj zaug hauv hnub tim 18 lub 2 hlis xyoo 2006.
Thaum nws tseem hluas thiab muaj ntau yam yuav tsum kawm, nws los txog thawj yam hauj lwm uas muab rau nws ua nyob hauv lub zos Belmonte, lub nroog Cuenca nyob Xyis Pas Yas teb. Nyob ntawd, tus Leej Phauj uas yog Leej Niam Lub Tsev tus ntxhais txib, tau ua tus saib lub tsev txais cov me nyuam uas tuaj ntawm cov yim neeg muaj teeb meem tuaj. Yog txoj hauj lwm hnyav thiab nyuab kawg, vim cov me nyuam ntawd feem coob yog tuaj ntawm cov yim neeg pluag txom nyem tuaj.
Leej Phauj Clare pib siv nws lub peev xwm ua kev nkag txog cov me nyuam thiab cov ntxhais hluas hauv fab ntsuj plig. Nws qhia lawv txog qhov tseeb thiab Tswv Ntuj txoj kev nyiam kev hlub, thiab qhia lawv txog kev kho lub qhov txhab nyob sab hauv. Nws txoj kev muab siab rau hauv fab ntsuj plig, tshwj xeeb tshaj yog fab ntsuj plig ntawm cov ntxhais hluas ntawd yog qhov tseem ceeb dua.
Leej Phauj Clare siv sij hawm tsis pes tsawg lub hlis nyob hauv lub tsev ntawd, vim nws yuav raug xa mus saib lwm lub tsev tshiab uas tab tom yuav qhib nyob As Mes Lis Kas teb, hauv lub nroog Jacksonville, lub xeev Florida.
Lub 10 hli xyoo 2006, Leej Phauj Clare pib ua cov hauj lwm qhia kev ntseeg nyob hauv tsev teev Ntuj thiab hauv lub tsev kawm ntawv Assumption.
Hnub tim 8 lub 9 hlis 2010, Leej Phauj Clare rov qab ntawm As Mes Lis Kas teb mus Xyis Pas Yas teb, kom tau cog lus ua Leej Phauj mus tag ib sim neej.
Tom qab ntawd, nws raug xa mus nyob hauv zej zog uas yog lub nroog Valencia nyob Xyis Pas Yas teb. Thawj yam hauj lwm ntawm nws yog saib xyuas kev cheem tsum ntawm cov neeg mob ntu kawg fab ntsuj plig nyob hauv tsev kho mob, hauv lub nroog Mislata. Txoj hauj lwm no nyuab kawg thiab yuav tsum hnov qab txog tus kheej, kom tau nkag siab txog cov neeg mob fab ntsuj plig ib tug zuj zus. Kom tau coj lawv kev nyob hauv lub caij kawg hauv lawv lub neej.
Lub 10 hli xyoo 2012, Leej Phauj Clare tau txais txoj hauj lwm tshiab uas yog lub hom phiaj kawg hais txog kev tshaj lub Moo Zoo ntawm nws. Qhov ntawd yog nws raug xa mus rau ib lub zos tshiab nyob hauv lub nroog Guayaquil.
Cov Leej Phauj nyob ntawd, lawv qhia ntau lub tsev kawm ntawv hauv cov thaj tsam pluag txom nyem. Thiab ua hauj lwm rau tsev teev Ntuj, kom tau qhia kev ntseeg rau cov tub ntxhais hluas thiab cov me nyuam yaus.
Ob xyoos tom qab, Leej Phauj Clare tau txais txoj hauj lwm kom nws mus ua hauj lwm rau ib co neeg nyob Es Kuas Dos. Ntawd yog lub nroog Playa Prieta.
Cov me nyuam pluag txom nyem nyob ntawd, tau txais kev kawm ntawv Kav Tos Liv zoo kawg. Vim lawv tau txais kev pab ntawm cov neeg muaj txiaj ntsim coob leej.
Tom qab hauv nws cov hnub kawm thiab cov hauj lwm sab nraud tiav tag, Leej Phauj siv sij hawm ua hauj lwm hauv tsev teev Ntuj thiab saib xyuas ntau yim neeg uas pluag txom nyem. Ua li ntawd ntau zaus mus thawm xyoo, Leej Phauj Clae thiab lwm tus tim xyoob hauv lub zos thiab cov neeg ntseeg, tau ua ke mus saib cov neeg nyob hauv lub hav zoov Amazon. Lawv mus kev hauv hav zoov ntau teev, lawv hla tej kev txaus ntshai uas muaj av nkos txij hauv caug, thiab hla tej tus niam dej Amazon uas tob txij hauv siab. Ces qhov kawg lawv tau mus txog ib lub zos me me ntawm haiv neeg Shuar. Sawv daws nco ntsoov txog qhov uas Leej Phauj Clare tuav rawv ib lub Kis Taj ntawm tes, yog zoo li ib tug phooj ywg hauv nws txoj kev tshaj lub Moo Zoo. Lawv tseem nco tau nws lub suab hu nkauj, tab yog lub suab txhaws qa me ntsis, tsis kav nws kuj tseem hu nkauj ntxiv mus. Txawm yuav ntsib tshav ntuj kub, nkees thiab sab. Tsis kav nws lub suab hu nkauj nrov ntxhe, ua kom pom txog nws lub neej. Tab txawm muaj ntau yam ntxhov, tsis kav kev sov siab lom zem nyob ncig nws tas mus li. Thaum sij hawm dhau mus, kev xav nyob ntsiag to thiab lub sij hawm nyob ib leeg nrog Tswv Ntuj ntawm Leej Phauj muaj ntau zuj zus.
Av qeeg ua rau Leej Phauj Clare thiab 5 tug ntxhais hluas uas lawv muaj kev npau suav tau tag txoj sia. Yog lub sij hawm 6 teev 58 fiab thaum yuav tsaus ntuj hauv Hnub Xya, uas yog hnub tim 16 lub 4 hlis xyoo 2016. Av qeeg tsis ntev tom qab lawv rov ntawm kev ua thaj txi Ntuj hauv tsev teev Ntuj nyob hauv lub zos.
Thaum ntawd lub ntuj pib tsaus lawm. Leej Phauj Clare thiab 5 tug ntxhais hluas tuag nyob hauv txheej ib. Yog lub sij hawm lawv tab tom xyaum ntaus Kis Taj thiab hais txoj Saw Mab Liab nrog Leej Phauj. Av qeeg muaj ceem heev thiab ua rau lub tuam tsev pob vau los tais lawv. Muaj 4 tug Leej Phauj thiab 7 leej me nyuam ntxhais nyob hauv. Tsuas muaj 5 leeg xwb uas lawv raug cawm dim txoj sia.
Thaum lub moo Leej Phauj Clare tuag nrov ncha tawm mus, cov ua pov thawj uas nco ntsoov txog Leej Phauj Clare. Kev txiav txim siab yuav rov los cuag lub Cim Ntshiab thiab kev ua lub neej raws Leej Phauj haj yam muaj zog ntxiv
