Lub hwj chim ntawm cov neeg ntseeg yog kev faib Tswv Ntuj txoj kev khuv leej, tsis yog caum Like

Zim txwv no muaj xov xwm cuav thiab tej yam ntxias dag nyob thoob ntiaj teb. Cov Tswv Qhia Kav Tos Liv thiaj txhib tias : cov neeg ntseeg lub hwj chim tiag tiag, yog kev faib qhov tseeb ntawm kev khuv leej, kev sib pom dej siab thiab Tswv Ntuj txoj kev khuv leej. Tswv Qhia Rapadas uas nyob Iligan hais rau cov tub xov xwm Kav Tos Liv tias : tej kev ncaj ncees uas lawv ua tawm nyob hauv lawv txoj kev ntseeg, yuav ua kom Tswv Ntuj lub Ceeb Tsheej tshwm sim thiab yog ntiaj teb qhov chaw qhuas.

“Kom tau ua lub hwj chim tsim nyog qhuas ntawm cov neeg ntseeg, peb tsim nyog yuav ua pov thawj txog kev khuv leej thiab kev sib pom dej siab ntawm Tswv Ntuj.”

Ntiaj teb yuav cav txog Tswv Ntuj lub Ceeb Tsheej los ntawm peb kev khuv leej thaum peb zeem tseeb txog tej yam ntawd. Tswv Qhia hais ntxiv tias : 

“Ntawd yog cov hauj lwm tseem ceeb ntawm peb kev sib txuas lus hauv zej zog.” 

Tswv Qhia nthuav cov lus ntawd nyob hauv lub thaj txi Ntuj hnub 2 ntawm kev sab laj sib xa xov hauv lub nroog Lipa. Muaj cov tub xov xwm tuaj ntawm lub pwm tsav kev sib xa xov thiab cov neeg ntseeg li ntawm 300 tawm leej tuaj sib sau sab laj hnub tim 8 lub 8 hli tas los no. Tus thawj tswj tau hais meej tias : lub pwm tsav kev Social kev sib xa xov tsis yog tsom mus rau kev Like thiab ua kom muaj neeg raws qab coob. Tab sis yog tsom mus rau kev sib faib qhov tseeb thiab ua kom ntiaj teb neeg pom txog Tswv Ntuj txoj kev hlub.