Lub Koom Haum Tswv Qhia As Xias los yog FABC-OC, txhawb nqa kev qhuab qhia cov Txiv Plig raws Synodality thiab cov hauj lwm nyob As Xias.

Lub Koom Haum Txiv Plig ntawm FABC-OC tau hais txog qhov tseem ceeb ntawm kev qhuab qhia cov Txiv Plig, kom tau txais kev txhawb nqa fab ntsuj plig txog cov hauj lwm thiab yuav ua tub txib raws Synodality txoj kev ua tub txib. Lub Koom Haum no tsa nyob hauv xyoo 2004, kom tau txhawb nqa cov Tswv Qhia, cov txais kev qhuab qhia thiab cov Txiv Plig nyob thoob As Xias hauv kev qhuab qhia, kev sib tuav xam thiab kev qhuab qhia uas npaj rau cov Txiv Plig, kev txhawb nqa cov tub tshaj Ntuj Lus thiab saib xyuas kev qhia kev ntseeg. Txij thaum pib tsa los, lub Koom Haum tau npaj kev qhuab qhia hais txog txhim kho tus kheej ntawm cov Txiv Plig tus yam ntxwv, saib xyuas kev qhia kev ntseeg ntawm cov Txiv Plig, kev nyob twm zeej, teeb meem kev sib deev ntawm cov Txiv Plig, kev tshaj lub Moo Zoo thiab kev txhim kho cov Txiv Plig kev pauv ntxeev hauv cov zej zog nyob As Xias.

Kev sab laj zaum tseem ceeb nyob Huahin hauv Thaib teb xyoo 2004, tau sau tas cov Txiv Plig thiab cov txais kev qhuab qhia hauv 14 lub teb chaws, kom tau xav txog cov teeb meem hauv kev qhuab qhia cov Txiv Plig nyob As Xias. Kev sab laj zaum tom qab tau txhib kom cov Tswv Qhia muab siab rau saib xyuas cov Txiv Plig. Tshwj xeeb tshaj yog cov uas lawv tus kheej txom nyem los yog txom nyem kev ua hauj lwm. Ua ke ntawd kuj pab kom cov Txiv Plig tau txais kev sov siab thiab lub txiaj ntsim ntawm lub suab hu lawv. Hauv ob peb xyoos dhau los, lub Koom Haum tau pub kev qhuab qhia tseem ceeb hauv Synodality ntau dua qub. Kev sab laj Online xyoo 2023 thiab 2024, nrog kev sab laj hauv kev ua xyoo 2025 ntawm cov thawj coj. Tau soj ntsuam txog kev ua hauj lwm hauv kev txhawb nqa yav tom ntej ntawm Synodality. Yog hais txog Synod hauv Synodality thiab FABC 50 tej ntaub ntawv kom haum nrog kev qhuab qhia cov Txiv Plig ua ntu zus.