Lub Koom Haum Yes Xus Is tau sau kev pab cuam tom qab dej nyab Nes Pas teb, thiab ua rau 1,000 tawm tus neeg tuag thiab cov raug dej tshoob ploj lawm ntau txhiab leej.
Lub Koom Haum Yes Xus Is nyob hauv cov zej zog tau ua hauj lwm koom nrog cov tub tseem hwv los pab cuam cov neeg tau txais kev kub ntxhov. Dej nyab no yog tshwm sim hnub tim 26 lub 8 hli tag los nyob Nes Pas qaum teb thiab cov thaj tsam nyob raws Nes Pas thiab Suav ciam teb. Yog tom qab cov dej khov nyob ntawm lub roob Him Mas Lais yaj nphau los mus, thiaj ua rau dej nyab sai thiab muaj ceem kawg. Ntawv xov xwm tshaj tias muaj neeg tuag li ntawm 1,200 leej thiab ntau txhiab leej ploj mus lawm. Cov tub khaws neeg tuag tau muab siab rau nrhiav neeg nyob hauv tej vaj tse pob vau. Lub Koom Haum Yes Xus Is Australia tau qhib qhov rooj tos txais kev pab cuam, kom tau coj mus pab cov neeg raug kev kub ntxhov tam sid thiab kev txhim kho uas siv sij hawm ntev. Yes Xus Is hauv zej zog cov hauj lwm nrog rau Fe Y Alegria Nepal thiab lub Koom Haum Yes Xus Is nyob Nes Pas, tab tom koom tes ua hauj lwm nrog cov nom tswv hauv zej zog kom tau pab cov yim neeg raug kev kub ntxhov.
Txiv Plig Shajumon Chakkalakka tus thawj coj nyob hauv lub xeev Darjeeling-Nepal hais tias : “Tsev kawm ntawv thiab cov neeg ntseeg ntawm lub Koom Haum Yes Xus Is yog cov neeg tau txais kev kub ntxhov. Tsoom pej xeem coob leej tsis muaj dej haus, tsis muaj txhiam xws noj thiab tsis muaj hluav taws xob siv, los yog kev sib txuas lus. Vim yog lub sij hawm uas txhua yim neeg tab tom nrhiav lawv cov neeg ploj mus lawm. Txiv Plig Shajumon hais tias : “Yog tsis muaj kev sib txuas lus, mas coob leej kawg yuav yoo tshaib tuag xwb.”
Txiv Plig Agustus Ekka, SJ tus thawj coj ntawm Fe Y Alegria Nepal hais tias : “Yes Xus Is cov neeg qee leej kuj tab tom nrhiav lawv cov txheeb ze uas ploj lawm ib yam.” Dej nyab tau ua kev piam sij rau tsoom pej xeem tej vaj tse, kev tsheb, choj thiab tej liaj teb. Cov me nyuam ntau pua leej tsis tau kev mus kawm ntawv. Yes Xus Is cov tsev kawm ntawv qee lub tseem nyob khov kho, tab sis cov me nyuam thiab cov xib hwb feem coob nyob tos mloog xov ntawm lawv cov txheeb ze.
Lub Koom Haum Yes Xus Is tab tom muab lawv tej kev paub hauv av qeeg nyob Nes Pas teb xyoo 2015 coj los siv. Lawv tau pab txhim kho tsev kawm ntawv thiab npaj tsim tej yam tshiab. Xav tias kev kawm yuav yog qhov tseem ceeb hauv kev khim kho ntev mus. Helen Forde tus neeg nplua nuj ntawm lub Koom Haum Yes Xus Is nyob Australia hais tias : “Cov txhawb nqa yuav pab kev pab cuam sai thiab nyob nrog tsoom pej xeem tas hauv lub caij txhim kho.” Dej nyab zaum no yog lub zog nias tsoom pej xeem nyob deb nroog. Kev tshawb nrhiav cov neeg tuag yog taw mus rau hluav taws xob lug zog dej uas muaj kev piam sij loj. Muaj xov xwm tshaj tias cov tub zog qee leej ploj los yog khuam nyob rau hauv.
Hais txog lub Koom Haum Yes Xus Is, mas dhau ntawm kev pab cuam sai lawm, tseem tseem hais txog kev txhawb nqa kev kawm nyob hauv zej zog, kev ua lub neej thiab tej yam uas pom tias yog qhov tseem ceeb hauv lawv kev pib lub neej tshiab.
