Lub xov tooj cua Radio Veritas Asia qhib hais xeem lus Akha thiab lus Kayan nyob Mias Mas teb
Hnub Chiv Leej Ntuj Plig nqes los uas yog ncaj rau hnub tim 24 lub 5 hlis tas los, hauv lub tuam tsev teev Ntuj hwm Leej Ntshiab Mab Liab nyob Yaas Nkoos uas yog lub nroog loj tshaj thiab yog qhov chaw nruab nrab ntawm kev lag luam. Tswv Qhia Npos uas nws yog tus thawj coj lub Rooj Tswv Qhia nyob Mias Mas teb (CBCM) thiab tus txhawb nqa lub xov tooj cua Radio Veritas Asia cov xeem lus nyob Mias Mas teb hais tias hnub ntawd yog ib hnub zoo rau lub Koom Txoos nyob Mias Mas teb vim lub xov tooj cua Radio Veritas Asia tau qhib sob lus tshaj xo ua xeem lus As Khas thiab Kas Yas.
Kev qhib ob sob lus tshaj tawm tshiab no yog ua rau ob haiv neeg tsawg nyob Mias Mas teb. Zim txwv no kev hais xeem lus ntawm Radio Veritas Asia nyob Mias Mas teb tau tsim cov ntsiab lus 8 yam, xws li kev nthuav ntawv Moo Zoo niaj hnub, kev nthuav ntawv Moo Zoo Hnub Chiv, tshaj xov xwm ntawm lub Koom Txoos, cov lus hais rau cov tub ntxhais hluas thiab cov yim neeg, Vaj Qhia cov tsab ntawv, hais txog txhua yam nyob ib puag ncig thiab kev sib tham ntawm cov kev teev hawm. Dhau ntawm kev tshaj tawm niaj hnub 30 feeb lawm, cov hauj lwm no tseem tsim kom muaj xov xwm ua ntawv Aas Kiv thiab ua cov xyam txhawb dej siab luv luv.
Tswv Qhia Npos hais tias “Cov hauj lwm no tau muab lub ntsiab tseem ceeb hais txog kev ntseeg thiab kev txhawb nqa fab ntsuj plig hauv Tswv Ntuj lub Moo Zoo pub rau cov neeg xav tau kev pab.” Ua ntej yuav qhib kom raug cai, mas muaj kev qhuab qhia rau cov tub xov xwm neeg As Khas thiab neeg Kas Yas. Kuj muaj cov Pas Kas Nyos Nkos thiab cov Pas Kas Yos Pos tuaj koom thiab. Yog npaj nyob hauv hnub tim 11 txog tim 20 lub 5 hlis tag los, nyob hauv lub Rooj Tswv Qhia nyob Mias Mas lub tsev nyob Yaas Nkoos. Tswv Qhia Xes Los Npas Saws Ves (Celso Ba Shwe) lub Rooj Tswv Qhia nyob Mias Mas tus thawj coj kev xa xov hauv zej zog tau mus tsham cov neeg tuaj txais kev qhuab qhia hauv hnub tim 16 lub 5 hlis, thiab tau txhawb dej siab rau lawv hauv kev coj lub Moo Zoo mus txog cov neeg pluag txom nyem.
Hnub tim 18 lub 5 hlis, Tswv Qhia Npos tau hais txog qhov tseem ceeb ntawm kev tshaj lub Moo Zoo thiab kev xa xov ncaj ncees. Nws hais tias “Txhua xeem lus thiab txhua haiv neeg puav leej muaj txoj sia thiab muaj nqis.” Nws hais ntxiv tias “Xeem lus As Khas thiab Kas Yas yuav coj lub Moo Zoo mus txog cov tsev neeg, cov tub ntxhais hluas, cov laus thiab tej zej zog.” Nws tseem hais txog Radio Veritas Asia tias “Radio Veritas Asia yog tus choj txuas nrog txhua haiv neeg hauv lub caij kev tseev tsim thiab zej zog muaj kev kub ntxhov tshwm sim nyob Mias Mas teb.”
Kev qhib hais xeem lus As Khas thiab xeem lus Kas Yas yog kev nthuav tawm ntau xeem lus ntawm Radio Veritas Asia cov hauj lwm. Qhov kawg ntawm Mias Mas teb, cov hauj lwm tshaj xov xwm ntawm lub Koom Txoos tseem txhawb nqa kev tshaj lub Moo Zoo, kev saib xyuas neeg thiab kev muaj feem cuam ntawm cov neeg nyob hauv xeev ntuj, uas muaj ntau haiv neeg nyob sib xyaws hauv lub teb chaws.
