Is Ntias teb: Cov tub ntxhais hluas Kav Tos Liv 1,300 leej tuaj sib sau nyob Bengaluru, kom tau koom sau siab cov tub ntxhais hluas hauv lub teb chaws.
Kev sau siab no yog pab tub ntxhais hluas Kav Tos Liv nyob Is Ntias teb los yog ICYM, thiab pab kav xwm tub ntxhais hluas CCBI hauv Kav Tos Liv lub tsev kawm txheej siab thiab lub tsev kawm txheej siab Junior ua tus npaj nyob hauv lub ntsiab lus tias: “Yuav ua siab loj; vim Leej Pleev twb yeej lub qab ntuj neeg lawm.” Yog lo lus txhawb siab nyob hauv Zam ntawv Moo Zoo zaj 16 qib 33. Kev sau siab no muaj 4 tug Tswv Qhia, 110 tus Txiv Plig, 30 tus Leej Phauj thiab muaj cov sawv cev tub ntxhais hluas hauv cov Cheeb Koom Txoos nyob thoob lub teb chaws tuaj koom ua ke.
Tswv Qhia Aind nyob Ranchi yog tus coj lub Txoos qhib kev sau siab. Hos lwm tus Tswv Qhia ua cov coj kev rov xav txog hauv kev txhawb nqa kev ntseeg, kev ua lub neej raws ntawv Moo Zoo, thiab kev ua tus tshaj lub Moo Zoo.
Hauv kev teev Ntuj, kev hwm lub Cim Yug, kev qhuab qhia kev ntseeg thiab cov hauj lwm hauv tej kab lis kev cai. Cov tuaj koom tau tsim kev phooj ywg thiab rov xav txog nyias kev lees txais hauv lub Koom Txoos thiab hauv zej zog.
Kev sau siab xaus rau hnub tim 16 lub 10 hli, nrog rau kev thov kom cov tub ntxhais hluas Kav Tos Liv coj nyias txoj kev ntseeg nyob hauv kev ua, kev sib koom siab thiab tsim kev thaj yeeb nyob hauv nyias lub zos.
