Is Ntias teb: Tswv Qhia Marengo tus tub tshaj Ntuj Lus neeg Is Tas Lias thiab yog thawj tug Tswv Qhia ntawm lub Cheeb Koom Txoos Tura raug tsa ua Leej Ntshiab.
Vas Tis Kas tshaj tawm kev txiav txim siab hauv hnub tim 24 lub 10 hli, yog kauj ruam tseem ceeb hauv kev tshaj ua Leej Ntshiab ntawm Tswv Qhia. Marengo yug nyob Is Tas Lias qaum teb xyoo 1906. Nws tau mus koom nrog lub Koom Haum Salesian thaum nws muaj 13 xyoos, thiab tau mus rau Is Ntias toob fab pej xyoo 1923. Nws tau txais lub Cim Tiag Tes ua Txiv Plig xyoo 1932. Thiab muab tus kheej rau kev tshaj Ntuj Lus, kev kawm thiab qhia kev ntseeg. Hauv xyoo 1951 Vaj Qhia Pis Os 12 tau tsa nws ua thawj tug Tswv Qhia Dibrugarh nyob hauv lub xeev Assam. Tom qab no nws tau ua Tswv Qhia nyob Tezpur txij xyoo 1964, ua ntej yuav tau ua tus tuav cov hauj lwm hauv lub Cheeb Koom Txoos Tura xyoo 1969. Tas lub caij nws ua hauj lwm, Tswv Qhia Marengo tau mus txog cov zej zog nyob deb dav kawg, kom tau tsim kev ruaj khov rau cov neeg ntseeg thiab txhawb nqa kom ua tsev teev Ntuj, ua tsev kawm ntawv thiab kev saib xyuas lub cev ntaj ntsug. Tab txawm tias tom qab nws tau ua cov hauj lwm tas lawm, nws kuj tseem nyob nruab nrab hauv ib tsoom neeg ntawm cov roob Garo, uas yog raws cov neeg ntseeg qab thiab muab kev qhuab qhia rau cov Txiv Plig.
Nws tuag nyob Tura hnub tim 30 lub 7 hli 1988, thaum nws muaj 91 xyoos. Hauv lub npe tus neeg ncaj ncees, yog kev qhuas txog kev ncaj ncees ntawm cov neeg ntseeg uas raug cev npe. Thiab qhov kawg yog kev tsa ua tus ntshiab huv thiab ua Leej Ntshiab. Hais txog cov neeg ntseeg nyob Meghalaya, mas kev qhuas no yog kev sam hwm loj kawg ntawm Tswv Qhia Marengo hauv kev muab tus kheej los tshaj Ntuj Lus. Kev ua tub txib qhia kev ntseeg, thiab kev sib koom siab nrog cov neeg uas raug tso pov tseg.
