Pab kav xwm ntawm cov tsev neeg nyob Is Ntias qaum teb, qhib ib lub Tsev Vas (Website) los txhawb nqa cov txij nkawm hauv tsev neeg.
Tswv Qhia Anil Couto uas nyob Des Lis tau qhib ib lub tsev vas raws kev cai, nyob hauv Tswv Qhia lub tsev nyob Nyus Des Lis. Nws hais tias cov hauj lwm pib ua no yog kev ua rau cov yim neeg uas raug teeb meem los ntawm txheej neeg digital. Thiab cia siab tias lub Tsev Vas no yuav pab qhia thiab txhawb nqa yam uas txaus ntseeg. Lub Tsev Vas no muaj cov ntaub ntawv rau cov nkawm niam txiv lub neej ua ntu zus, txij thaum npaj sib yuav thiab sib yuav pib chiv lub neej, mus txog thaum lub neej txog nta thiab yav xaus. Cov ntsiab lus yog kev ntxiv tswv yim, kev thov Ntuj thiab tej ntaub ntawv qhuab qhia uas tsim tawm los kom ua kev nkag siab hais txog lub neej sib yuav, thiab lub neej hauv yim neeg mus raws kev ntseeg. Cov hauj lwm pib no tau nthuav tawm xyoo tim 10 hauv Amoris Laetitia ntawm Vaj Qhia Fas Ntshis Kus. Ua kom pom txog kev txhib lub Koom Txoos hauv kev txhawb nqa fab kev saib xyuas ua ntu zus, uas yog dhau ntawm kev npaj sib yuav lawm. Lub Tsev Vas no npaj siab yuav koom nrog Catholic Connect Matrimony, kom tau pab cov Kav Tos Liv uas tab tom nrhiav txij nkawm rau kev sib yuav raws cov Cim Ntshiab. Cov kav xwm vam tias qhov platform no yuav hloov ua qhov chaw nruab nrab hauv kev saib xyuas fab kev ntseeg, ua kom cov ntaub ntawv hais txog kev qhuab qhia cov yim neeg tau mus txog yooj yim nyob hauv tsev teev Ntuj, thiab cov yim neeg nyob thoob Is Ntias qaum teb.
