Thaum kev kawm txuas ntxiv nyob txawv teb chaws, tsis yog txoj kev xaiv ntxiv mus.
Thaum kev kawm txuas ntxiv nyob txawv teb chaws, tsis yog txoj kev xaiv ntxiv mus.
Ntau thaj tsam nyob As Xias teb thiab muaj txhab ntxiv nyob hauv cov teb chaws tab tom txhim kho, mas kev kawm txuas ntxiv nyob txawv teb chaws rais ua lub Cim muaj zog hauv zej zog. Cov yim neeg nqis peev siab kawg rau kev kawm txuas ntxiv nyob txawb teb chaws, vim lawv xav kom lawv tej me nyuam tau lub neej zoo nyob hauv lawv lub teb chaws. Nyab Laj teb yog kev kawm uas ua kom pom txog yam tshwm sim thaum tej kev cia siab ntawd, sib tiv nrog qhov tseeb ntawm cov tub zog uas hloov pauv mus sai. Hais txog coob leej tub kawm Nyab Laj, qhov poob siab tiag tsis yog los ntawm kev ua lub neej nyob txawv teb chaws, tab sis yog kev rov los ntawm lawv nrog daim ntawv pov thawj txawv teb chaws, kev txawj ntse hais tau lus Aas Kiv zoo, thiab kev tau pom txhua yam kev kawm nthuav dav.
Cov tub txawg tub ntse txawv teb chaws coob leej xav tias, kev ua hauj lwm hauv lawv lub teb chaws yuav muab kev pauj kom tsim nyog. Tab sis lawv ntsib qhov tseeb uas phem tshaj ntawd. Kev mus kawm txuas ntxiv nyob txawv teb chaws, tsis tau txhais tias tau lub caij tam sim ntawd. Kev nrhiav nyiaj ntau lub hlis, yog qhov xwm yeem. Qee leej lam ua cov hauj lwm qis dua qhov lawv xav. Qee leej nyob tos kom tau txoj hauj lwm uas lawv xav tias tsim nyog rau lawv tej nyiaj thiab lawv txoj kev kawm. Tej yam no tsis yog lam hais, tab sis nws yog tus qauv uas kheev kheev tshwm sim nyob hauv ntau pab neeg. Kev hais lus ntawm tshav puam, kheev kheev plam lub hom phiaj tseem ceeb. Nws sib hloov mus los hauv kev pom dej siab ntawm cov neeg muaj peev xwm uas ploj mus lawm. Thiab kev xyav moo ntawm cov tub zog uas zam txim tsis tau. Ob lo lus teb puav leej yog zam qhov tseeb uas hnyav siab dua ntawd.
Lub ntsiab ntawm cov teeb meem, nws yog nyob hauv kev nkag siab yuam kev ua ke. Qhov ntseeg tias yog mus kawm txuas ntxiv nyob txawv teb chaws ntawd, yog kev nce theem hauv txoj kev kawm. Nyob Nyab Laj teb, daim ntawv pov thawj txawv teb chaws tau txais kev ua ntau dua kev qhuab qhia cov sob kawm los ntev lawm. Nws yog lub Cim ntawm lub tswv yim. Kev qhib tos txais kev paub ntawm lub ntiaj teb thiab tab txawm muaj cai uas yuav tau hauj lwm zoo dua. Tej kev nkag siab yuam kev no, tsis yog los ntawm cov tub ntxhais hluas xwb, nws yog kev txhawb nqa los ntawm tsev neeg hauv tej xov xwm. Kev kawm txuas ntxiv nyob txawv teb chaws raug hais ua qhov tseeb tias : “Mus txawv teb chaws rov los tshaj lij dua.”
Ib tug los pav neeg Nyab Laj nug cov kawm tiav txawv teb chaws tas mus li thiab piav txog tej yam uas lawv swm. Muaj qee leej teb tau zoo kawg, thiab coob leej xav tau nyiaj hli siab thiab thov kev pab ntau dua lawv txoj hauj lwm. Nws hais tias cov kawm tiav nyob txawv teb chaws lawv kev txawj ntse yuav ntau dua, tab sis qee leej kuj ntsib teeb meem hauv kev tsim tej pab neeg zej zog thiab ua kom haum txog Nyab Laj tej kab lis kev cai. Thaum qhov tseeb rhuav tshem zaj lawv ib txwm piav los, mas qhov tag kev cia siab tsis yog fab hauj lwm, tab sis yog kev ua lub neej nyob.
Yav tag los, kev mus kawm nyob txawv teb chaws yog cov neeg txheej siab li. Tsuas yog cov tub kawm tau zoo thiaj tau txais peev nyiaj mus kawm ntawv xwb, uas yog tau mus kawm nyob txawv teb chaws. Kev xaiv kuj nruj heev. Kev cia siab muaj tsawg thiab cov rov los kawm txuas ntxiv kuj muaj tsawg. Tab sis lub ntiaj teb zoo li ntawd tsis muaj ntxiv lawm.
Zim txwv no kev kawm hauv txhua lub teb chaws yog lub Koom Haum nyob ntiaj teb. Ntau lub teb chaws vam txog cov tub kawm txawv teb chaws, vim saib lawv yog qhov yuav tau nyiaj. Nyab Laj teb txoj cai Khoov Fum Txws yog qhov tseem ceeb muaj nqis thiab kev sib tw. Tau zeem tseeb tias muaj qhov phom sij rau kev pauv ntxeev no. Lub Cim ntawm kev kawm nyob txawv teb chaws tseem nyob, tab txawm kev tshwj xeeb ntawm nws yuav ploj mus kuj xij. Zej zog tseem ntsia pom tias cov kawm tiav nyob txawv teb chaws muaj qhov zoo dua. Tab sis qhov tau los yog qhov tias : “Kev cia siab ntau dua qhov xav ntawm lub sam thiaj uas muaj kev sib twv siab zuj zus.”
Duc uas nws muaj 32 xyoos, nws tau rov qab los Nyab Laj teb tom qab nws txais ntawv pov thawj tas. Nws yog tus kawm tau zoo tshaj nyob Fab Kis teb. Hauv kev kawm mas nws kev ua hauj lwm txaus siab qhuas kawg. Daim ntawv pov thawj li hais no, ua kom nws raug ntxig nug thiab tau hauj lwm ua nyob hauv ntau lub Koom Haum nrog rau cov Koom Haum loj nto npe huv tib si. Tab sis thaum nkag kiag mus ua hauj lwm lawm, qhov tseeb tshwm sim sai kawg. Lub caij ua hauj lwm thiab kev xav tau fab kev ua hauj lwm sib ntaus tas zog nyob hauv nws. Ua rau nws hloov 3 lub Koom Haum ua hauj lwm, tab sis kuj tsis kub ntxhov pes tawg. Duc thiaj pom tias kev ua hauj lwm qhov qub thiab muaj nyiaj hli yog kev tws. Vim muaj nws tsev neeg pab, ces nws thiaj pib ua cov lag luam muag rooj tog thiab txaj chaw pw, tab sis kuj mus tsis taus.
Duc nkag siab yuam kev txog cov neeg siv hauv zej zog, thiab nws saib tej kev ua hauj lwm ntawd qis dhau. Muaj kev ntxhov siab nias heev zuj zus, ces qhov kawg nws poob hauv kev twv txiaj yuam pov thiab tshuav nuj nqis ntau kawg. Zim txwv no nws tsav tsheb thauj neeg taug kev. Thaum rov xav txog yav tas, nws hais tias qhov nws yuam kev loj tshaj hauv lub neej, yog xav tias nws daim ntawv pov thawj yuav ua kom nws muaj nqis. Zaj hais txog Duc, ua kom pom tias ‘kev ntaus nqi rau tus kheej siab dhau’ hauv kev ua hauj lwm ntawd, nws tsis yog kev khav theeb muab hlob, tab sis nws yog qhov tshwm sim los ntawm kev piav hauv zej zog uas tshaj qhov tseeb.
Qhov no yuav hais meej tseeb tias : kev ua hauj lwm ntawm Nyab Laj teb tsis muaj dab tsi txhaum. Ib yam li tej kev ua hauj lwm uas feem ntau nyob hauv cov teb chaws tab tom muaj kev txhim kho. Kev ua hauj lwm tseem ceeb hauv kev xav, kev daws kho tus kheej thiab kev paub hauv zej zog. Tus tswv them nyiaj rau yam uas muaj nqis zim txwv no, tsis yog kev nqis peev yav tag los thiab tus cuj pwm. Yam uas tus rov los tau ntsib, tsis yog qhov tsis ncaj ncees. Tab sis yog qhov tau tsis raws li kev cia siab thiab qhov tseeb tiag. Tsis yog tas txhua yam yuav xaus rau qhov tag kev cia siab.
Phuong uas nws muaj 27 xyoo. Zim txwv no nws txoj hauj lwm yog ua tus thawj coj fab kev muag khoom nyob hauv lub Koom Haum txawv teb chaws uas loj kawg. Nws xub xav txog nws txoj hauj lwm thiab xyaum hauj lwm hauv tib lub Koom Haum, thaum nws tseem nyob As Mes Lis Kas teb. Nws pib hauj lwm hauv txheej qis, tab sis thaum nws rov los txog Nyab Laj teb, nws tau muab ntau yam nws pom thiab tau kawm los sib xyaws. Nws nkag siab zoo txog kev coj noj coj ua ntawm cov neeg Nyab Laj, ces ua rau nws vam meej sai kawg.
Quan uas nws muaj 33 xyoos. Nws xaiv txoj hauj lwm tsis zoo luaj twg, tab sis muaj nqis tsis swb leej twg li. Zim txwv no nws ua xib hwb qhia ntawv hauv lub tsev kawm txheej siab. Tab sis ua ntej ntawd, nws ua hauj lwm ib xyoos nyob hauv lub tsev txhais lus uas tau tus nqi zog tsis siab pes tsawg. Lub caij ntawd ua rau nws nkag siab txog yam muaj txoj sia thiab kev kawm. Nws hais tias nws xub xav txog kev txom nyem ua ntej yuav rov mus thiab npaj tos txais. Kev sib txawv ntawm txoj kev xaiv no thiab Duc txoj, nws tsis yog nyob ntawm lub tswv yim. Tab sis yog nyob ntawm kev vam, kev npaj tus kheej thiab qhov tseeb. Nyab Laj qhov tsis muaj zog, tsis yog nyob ntawm kev ua hauj lwm. Tab sis yog kev ua xyem xyav uas hais ncaj tias yog kev kawm txuas ntxiv nyob txawv teb chaws. Cov tub ntxhais hluas tau txais kev txhawb nqa kom lawv mus kawm nyob txawv teb chaws, tab sis tsis tau txais kev qhuab qhia txog qhov rov qab los. Lawv tau txais kev npaj tus kheej kom txhij rau lub neej nyob txawv teb chaws, tab sis tsis tau txais kev npaj txhij hais txog rov los rau lag luam hauv zej zog uas muaj kev sib tw siab thiab tsis tau muab dab tsi rau lawv. Thaum tej yam kev ntshaw puas ntsoog, mas tus neeg yuav tau txais kev piam sij. Tab sis cov zaj hais txog tej duab ntxias dag ntawd tseem muaj nyob.
Qhov kawg lo lus nug tsis yog qhov tias ; puas mus kawm txuas ntxiv nyob txawv teb chaws los tsis mus ? Qhov tob dua ntawd, yog zej zog puas ncaj ncees rau cov tub ntxhais hluas hais txog kev pheej hmoo, kev piam sij thiab kev siv sij hawm ua hauj lwm ntev ? Hauv lub ntiaj teb uas kev kawm raug saib zoo li yog tej khoom ntau zuj zus. Nyab Laj txoj kev paub tau muab kev ncaj ncees dav hais txog qhov tab tom npaj cov tub ntxhais hluas, kom lawv ua lub neej muaj hom phiaj, tsis yog muag lawv cov lus xwb.
Kwv tij Hmoob sawv daws ! Hnub no peb ntsib nej li no xwb. Thov Huab Tais Yes Xus Pleev lub txiaj ntsim nrog nej nyob, ua nej siab kaj lug.
Lwm zaus peb mam sib ntsib dua, nej sawv daws nyob zoo !
