Tus thawj tswj ntawm KWI tau hais kom lub Koom Txoos As Xias koom peev txheej rau kev ua hauj lwm ua ke.

Tswv Qhia Subianto tus thawj tswj cov Tswv Qhia Is Ntos Nes Xias los yog (KWI) hais
tias : “Qhov tseem ceeb tshaj tsis yog tej ntaub ntawv uas peb sib tuav xam ua kev
hauv lub rooj sab laj, tab sis nws yog kev sib faib peb lub neej.”
Nws hais tias : “Qhov loj tshaj uas peb tau txais hauv lub rooj sab laj, yog kev ua kwv
ua tij thiab kev sib txhawb nqa uas tshwm sim hauv lub Koom Txoos As Xias.” Tswv
Qhia Antonius hais tias : “Kev tos txias ntawm Is Ntos Nes Xias teb thiab qhov uas cov
sawv cev mus tsham xyuas lub qhov av ntawm kev pheej ywg mus rau lub tsev teev
Ntuj Istiqlal, ua kom pom txog kev nqua hu ntawm lub rooj sab laj kom ua tus choj
thiab ua tus tuam choj, nyob hauv kev sib tham, kev cia siab thiab kev sib koom tes.”
Nws qhua txog Grand Imam ntawm lub tsev teev Ntuj Istiqlal tias : “Yog tib neeg tus
choj” hauv kev txhawb nqa kev phooj ywg ntawm cov kev teev hawm. Thiab nws hais
tias kev ntseeg uas tseeb tiag yuav coj tib neeg mus nyob ze Tswv Ntuj thiab sib ze
dua.” Hauv kev xaus cov lus, Tswv Qhia Antonius tau thov kom cov tsev teev Ntuj
hauv zej zog hloov tus ntsuj plig ntawm kev sib koom siab mus ua kev sib koom siab
tseeb tiag. Uas yog sib faib nyias tej paj tshab thiab peev txheej rau kev ua hauj lwm
ua ke ntawm lub Koom Txoos.